airtel

Politique

09-avril-2024

Antoko politika Natiora

«Tsy manana fotokevitra izany sady tsy atsy no tsy aroa izany»

Sample post image

Ny fifidianana ben’ny tanàna no omanin’ny antoko politika Natiora, hoy ny filohan’ity antoko ity,

09-avril-2024

Mihari-Ni-Rencho. Manara-dalàna izahay, hoy izy, ka aminay dia ny fifidianana ben’ny tanàna no tokony handeha alohan’ny solombavambahoaka. Anatin’ny fanoherana na RMDM izahay. Natao ny hetsika fotsy. Inona moa no anton’iny hetsika iny fa tsy hoe tsy tokony vazaha no mitondra ny firenena, ny HCC tsy mety, ny CENI tsy mety, ny tokontany mila diovina? Hay moa izany amin’izao fotoana izao satria handray anjara indray ireo hetsika fotsy izay nizara roa dia hay izany azon’ny vahiny entina ilay firenena, mety ilay HCC, mety ilay CENI, mety ilay tokontany. Aminay rehefa tsy mety dia tsy mety. Io izao ilay HCC efa namoaka didy tamin’ny raharaha Razanamahasoa Christine. Ny anay ny lalàmpanorenana manomboka amin’ny andininy faha 72 hatramin’ny 74, mazava be ny ao. Samy manana izay handroritany azy nefa moa ny mpahailalàna. Ireo izay mahay, nianatra momba ny lalàna dia ekena izay fa izahay kosa mitazona izay voalaza sy voasoratra dia tsy handray anjara izahay satria averiko foana fa ny fifidianana ben’ny tanàna no tokony handeha aloha vao ny fifidianana solombavambahoaka. Ny solombavambahoaka izay mbola ao anatin’ny fotoana iasany no hanaovana ny fifidianana dia tsy mety izany aminay satria efa manana tombondahiny daholo ireo solombavambahoaka rehetra ireo. Manana ny fotokevitray izahay. Ny atao hoe hery afovoany na «centriste» dia tsy hoe sady tsy momba ny antsy no tsy momba ny aroa fa ny anay dia hoe mila vahoaka misitraka ny zony izahay no mila tany tan-dalàna. Tsy manana fotokevitra izany sady tsy atsy no tsy aroa izany, hoy hatrany ny antoko politika Natiora.
J. Mirija
 

Dans la même rubrique

13-juin-2024

Matoa ny olona nisoratra anarana tanaty lisi-pifidianana, hoy ny antoko politika FLN na Front de libération national,

Card image cap
13-juin-2024

Isak’izay mihetsika izao dia mifampiapanga lava isika malagasy hoe mpangalatra,

Card image cap
13-juin-2024

Ny ampitson’ny famoahana vokatra vonjimaikan’ny fifidianana solombavambahoaka nataon’ny CENI omaly.

Card image cap
13-juin-2024

Eo am-piandrasana ny voka-pifidianana raikitra avy amin’ny HCC,

Card image cap
12-juin-2024

Toerana 163 no hiadiana ao Tsimbazaza, ka 79 ho an’ny IRMAR manome ny salan’isa 48,47%,

Card image cap
12-juin-2024

Nivoaka tamin’ny fahanginany omaly ireo solontenan’ny mpanohana ny kandida solombavambahoaka tao Ambatofinandrahana, Christine Razanamahasoa.

Card image cap