airtel

Politique

16-mai-2024

Dany Rakotoson

«Mila vola isika»

Sample post image

Izany tambin-karama izany dia misy any amin’ny orinasa tsy miankina sy orinasam-panjakana,

16-mai-2024

hoy ny mpandinika raharaham-pirenena, Dany Rakotoson, manoloana ny adihevitra momba ny tambin-karaman’ireo mpisehatra ara-pifidianana nivoaka tamin’ny filankevitry ny governemanta farany teo. Manana ny CENI isika, hoy izy. Manana ny tetibolany ireo ary hoe mahaleotena moa. Raha namoaka tetibola ny fanjakana dia tadidio tsara fa isan’ny miantoka ny fampandehanan-draharaha mandritr’io fifidianana io ireny ben’ny tanàna, sefo fokontany, prefe ireny. Amiko dia lojika mihitsy aza hoe tokony hahazo tambin-karama ireny satria tadidio fa ny firenentsika dia mbola isan’ny faran’izay mahantra foana. Mila vola isika. Miodina amin’ny resaka toekarena foana ny tambin-karama toy ireny. Na hividianan-drizareo vary aza iny dia efa mampiodina ny toekarena satria ny tsy fahampian’ny vola miodina eto amin’ny firenena mihitsy no mampihisatra ny toekarena eto. Na ho raisintsika fotsiny aza hoe ireo mpandroaka fako izao tsy mikiraro, tsy manao kapa, akanjo rovitra nefa milalao ny fakontsika isan’andro. Mila jerena ny toe-javatra toy ireny. Mikasika ny hoe talen’ny kabinetran’ny CENI teo aloha sady tale jeneralin’ny Bianco teo aloha no lasa nanao propagandy dia resaka fitantanana serasera io matetika. Ilay olona voakasika mihitsy no tokony hanazava ny toerana misy azy fa manjary lasa fandrendrehana saim-bahoaka toy ny mahazatra eto amin’ny firenena. Ny fitondram-panjakana sy ny rafitra rehetra koa tokony miezaka manao serasera mazava tsara mba tsy hisian’ny fandikana vilana ny zava-misy marina, hoy hatrany ny tenany.
J. Mirija


 

Dans la même rubrique

25-juil-2024

Notanterahina omaly teny amin'ny Gara Soarano ny lanonana politika fametrahana samboady ireo

Card image cap
24-juil-2024

Mitady minisitra volamena tonga dia tsy kosehina intsony fa avy dia mitondra fahazavana

Card image cap
24-juil-2024

Tsy mahafaty ny mahatsikaiky! na koa hoe «Le ridicule ne tue pas!»,

Card image cap
24-juil-2024

Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?

Card image cap
24-juil-2024

Efa mitovy salan’isa amin’ireo tantsaha mpamokatra eto amintsika izany hoe :

Card image cap
24-juil-2024

Mbola vitsy ireo vehivavy misahana andraikitra ambony na miantsehatra eo amin’ny

Card image cap