airtel

Politique

09-juil-2024

KAOMININA ANDRANONAHOATRA

Ny 70%-n’ireo asa nampanantenain’ny Ben’ny tanana no vita

Sample post image

Ny 70%-n’ireo asa nampanantenain-dRasamison Hajaniriana Ben’ny tananan’Andranonahoatra

09-juil-2024

tamin’ireo vahoaka tantanany nandritra ny fampielezan-kevitra no fantatra fa vitany tao anatin’ny efa-taona nitondrany ny tanana. Amin’ny datin’ny 16 Jolay ho avy izao no hampisehoany sy hampahafantarany ny vahoakan’Andranonahoatra izany rehetra izany izay mivondrona ao anatin’ireo Fokontany miisa 7. Amin’ny alalan’ny fandefasana horonan-tsary mihetsika mirakitra ireo zava-bita no hanatontosany izany, lanonana hotanterahina ao an-tokontany malalaky ny kaominina. Nambarany nandritra ny tafa nifanaovany tamin’ny mpanao gazety omaly fa marobe ireo zava-bita teo anivon’ny kaominina ary saika miely patrana manerana ny Fokontany mihitsy izany. Sekoly ambaratonga fototra maromaro ohatra no nahavitany efitrano fianarana miisa 5 isanisany toy ny ao Andranonahoatra, Cite Akany Sambatra…. Nisy ihany koa ny CSB II vaovao vao vita ao Ambaniala izay misy efitrano fiterahana ho an’ny vehivavy, ny fizarana sakafo ho an’ireo mpiadina niatrika ny fanadinam-panjakana CEPE farany teo sy ireo mpampianatra nitsara ny taratasim-panadinana, ny didim-poitra sy ny kopia faobe ary ny fampiroboroboana ny lafiny ara-panatanjahantena. Mikasika ireo 30% tsy vita kosa dia nambarany fa noho ny fisian’ny valan’aretina COVID 19 no antony ankoatra ny fahasahiranana ara-bola mianjady amin’ny kaominina.
Pati
Legende : Eo an-dalam-panamboarana ity lalana miakatra eo Betavoahangy ity indray ny kaominina amin’izao !
 

Dans la même rubrique

19-juil-2024

Tsy manary namana ny Filoha Rajoelina, izaho no « bête noire » an’ny mpanohitra,

Card image cap
18-juil-2024

Nijanona ho resaka ambony latabatra sy fangaronan-dela ara-politika aloha ilay hoe :

Card image cap
18-juil-2024

Manoloana ny fanenjehana ara-politika miseho lany ankehitriny dia nanambara ny antoko politika

Card image cap