airtel

Politique

12-août-2024

Rivo Rakotovao_Tolona ho fanavotam-pirenena

«Sarotra na hitolo-tena hovonoina aza izahay kanefa… »

Sample post image

Nanamafy ny Mpandrindra nasionalin’ny HVM Rivo Rakotovao ny sabotsy teo nandritra

12-août-2024

ny fanamarihana ny faha-5 taonan’ny RMDM, fa tena diso fanantenana amin’izao fitondrana izao ny Malagasy. Samy nentanim-po ny rehetra hoe : nahazo mpitondra tanora, nahazo olona hitondra avo ny Firenena,… Amin’ny maha olombelona dia tia zava-baovao na dia efa fantatra ihany ny zavatra nataony taona vitsivitsy talohan’izany, indraindray isika mora manadino, takon’ilay laingalainga samihafa, hoy i Rivo Rakotovao. Tsy mifandatsa anefa, hoy izy, fa ny ho avy no jerena, firenena iray isika, ary mahatsapa fa any amin’ny làlana tsy izy no hizoran’ny Firenena. Tsy resaka fankahalana olona, fa betsaka ny tondro maneho izany, ka nilazany fa ny fitondrana ankehitriny no miorina amin’ny fankahalana sy tsy fifankatiavana rehefa tsy mitovy hevitra. Porofo iray nentiny ny hoe : manana vina hitondra an’i Madagasikara eo amin’ny sehatra Afrikanina ny Filoha teo aloha Hery Rajaonarimampianina, nifampiresaka tamin’ireo Filoha maro teto Afrika sy tamin’ny teto an-toerana. Noho ny fankahalana, noho ny tsy fanekena fa ny olona tsy mitovy hevitra aminao dia afaka mba hampandroso ny firenena ihany koa, dia mpilalao « 4eme division » no natolotsika kanefa lalao iraisam-pirenena na « match international », hoy i Rivo Rakotovao. Notsoipihiny fa tsy milaza hoe : hivavaka isika mba tsy handresy ny « 4eme division », saingy eto ianao no afaka mandaingalainga, fa vao mivoaka eto dia fantatry ny olona rehetra ny toetran’ny olona mitondra ny Firenena. Ny atsy Kenya anefa, izany Raila Odinga izany dia mpanohitra hatramin’izay nahalalana azy, fa ny Firenena no nojereny, fa tsy tahaka ny eto, ka tsy misy afatsy ny zanaka MAPAR. Nitondra fanamarihana i Rivo Rakotovao eo anatrehan’ny hoe : mijoroa ny mpanohitra, ka nilaza fa efa nijoro hatramin’izay, niaritra lakrimozinina, nenjehina hatrany anelakelan-trano hatramin’ireo Raiamandreny lehibe. Efa nanao izay vitanay izahay, ary mbola hanao izay vitanay. Ho aiza anefa izahay rehefa tsy hanao isika Malagasy. Na hitonon-tena hovonoin’ny olona eny aza ny mpanohitra rehefa mbola ny fitiavan-kely no mibahana, dia zarazarain’ny olona eto isika satria izy miasa miaraka amin’ny vola. Ny olona manao didy jadona dia mitondra fomba fiady hampiasana ny tanjaka ara-bola, ara-miaramila, ary milalao ny Fitsarana, ka izay no misy eto izao, hoy ity Mpitarika ny HVM ity. Nanipika i Rivo Rakotovao fa miresaka ny azo atao, fa ny hitsikombakomba amin’ny mpamotika Firenena tsy misy, tsy miaraka amin’ny mpanabotry firenena. Tsy manohitra bontolo ihany koa anefa, fa samy mahalala fa any amin’ny làlana tsy izy ny Firenena, ka tsy maintsy hatao ny fanavotana firenena.
Toky R

 

Dans la même rubrique

05-juin-2025

Miteraka resabe ankehitriny ny resaka fitakiana ny fanalàna amin’ny toerany ny minisitry

Card image cap
05-juin-2025

Ny antsoina hoe «état unitaire centralisé» na fanjakàna tokana mivangongo eto Antananarivo

Card image cap
05-juin-2025

Melohinay tanteraka ny fanenjehana nataon’Atoa Filohan’ny Antenimierandoholona teo anivon’ny

Card image cap
05-juin-2025

Andoniaina Andriamalazaray ! Mety hiteraka tsy fitombenan'ny didy navoakan'ny CENI,

Card image cap
04-juin-2025

Mihamafana ny fifandonana eo amin’ireo olom-boafidy ao amin’ny Faritanin’i Mahajanga

Card image cap
04-juin-2025

Samy manana ny hamaritany ny atao hoe fitiavan-tanindrazana fa ny ahy ny hiheverako azy

Card image cap