airtel

Politique

15-déc-2023

Tetezamitan’ny Jeneraly Ravalomanana

Tratra ny iraka nampanaovin-dRajoelina…

Sample post image

Nihaona tamin’ny filoham-panjakana mpisolo toerana Jeneraly misotro ronono Ravalomanana Richard

15-déc-2023

teny Iavoloha Atoa Andry Rajoelina, izay nambaran’ny HCC fa lany ho Filoham-pirenena tamin’ny fifidianana farany teo, ary hanao fihanianana rahampitso 16 desambra. Nambara fa ao anatin'ny filaminana no hanaovana ny lanonana, hampisehoana fa mahay mandray vahiny ny Malagasy. Filoham-panjakana avy any ivelany, miaraka amina delegasionina maro no nambara fa ho avy hanatrika. ''Manamarika ny fahavononany hiara-hiasa amintsika no ahatongavan’ireo filoham-pirenena vahiny maro ireo”, hoy i Andry Rajoelina. Anisan’ny nambara fa ho avy eto ny filohan'i Comores, Angola, Zimbabwe, Maurice, hatrany delegasionina avy any Eropa sy Etazonia... Eo koa ny avy amin'ny Banky Afrikanina ho an'ny Fampandrosoana. Nambara fa anisan’ny fiaraha-miasa efa voaresaka tamin’ireo firenena ireo ny hanampiana ny fametrahana toby famokarana herinaratra avy amin'ny tohodrano eto Madagasikara sy ny fanohizana ny fanamboaran-dalana, ary ny fanomezana lanja manokana ny fambolena. Tsy vao izao no nandrenesana fomba firesaka tahaka izany ary tsaroana tsara ny tamin’ny 2018 nilazana fa hanao famokarana 400MW ao anatin’ny 5 taona saingy hiditra dimy taona faharoa mbola delestazy lava, nolazaina fa tsy hampandroso i Madagasikara na amin’ny 2060 aza ny mpamatsy vola mahazatra,… Efa niova izany ankehiny satria betsaka ny vahiny matoky sy manohana an'i Madagasikara, hoy hatrany i Andry Rajoelina. Ny tenany izay nisaotra ny filoha mpisolo toerana, ny jeneraly Ravalomanana Richard tamin'ny ambarany fa fandraisana andraikitra tao anatin'ny fahintsiana sy fahamendrehana na tao anatin'ny vanim-potoana sarotra aza satria nolazaina fa nisy ny fikasan-dratsy sy fanehoana endrika ratsy. Niverina hatrany ilay firesak’ity manamboninahitra misotro ronono ity sy ny mpitondra hoe: ''tsy mila korontana intsony isika, ary ao anatin'ny filaminana no hampandrosoana ny firenena''. Nahavita ny iraka ara-politika nampanaovina azy ny Jeneraly Ravalomanana Richard tao anatin’izay tetezamita kely izay, raha tarafina amin’ny zava-misy, dia ny fifehezana sy ny fanenjanana nentina nampanekena ny fifidianana tao anatin’ny lonilony sy ny fijoroan’ny kandida sy ny vahoaka nitaky fifidianana madio, Fanjakana tan-dalàna,… Etsy an-kilany, nankasitraka an’Atoa Andry Rajoelina koa ny filoha mpisolo toerana, izay nilaza fa efa be no vitan’itsy farany ho an'ny Tandrindrazana, fa mino sy matoky izy fa mbola hahavita be noho ny teo aloha ianao. Tena arakaraka izany ve ny vokatra raha tarafina amin’ny fiainam-bahoaka, ny sosialy, toekarena,… ?
Toky R

 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap