ANOSIBE ANGARANGARANA

ny asa fanadiovana tatatra mirefy 820metatra nanomboka omaly Alakamisy 15 Febroary toy ny faritra voalohany Angarangarana tampo-tanana, faritra faharoa Rondpoint Coco, faritra fahatelo Nanahazana, faritra faha efatra Andriamanangona. Maharitra 6 andro no hanatanterahana ny asa ka olona miisa 100 no hanao izany izay mponina tena sahirana ara-pivelomana. Fanampiana ara-tsakafo avy amin'ny fitondram-panjaka amin'ny alalan'ny Birao Nasionaly misahana ny Fitantanana ny Tandindon-doza sy ny Loza (BNGRC) no omena ireo mponina izay miasa na asa takalo sakafo , ka vary milanja 1 500kg ,tsaramaso ary menaka 150Litatra no tontaliben’ny takalon’ny asan’ireo mponina tena sahirana ireo. Tanjona ny hanampiana ireo mponina izay efa miaina tanteraka ao anaty rano nanomboka ny faramparan’ny volana Febroary lasa teo. Tokantrano maro amin’iny faritra iny mantsy no efa milona ao anaty rano raha vantany vao mivoaka ny tokonana antony mampahazo vahana ny asa fitaterana amin’ny lakana eny amin’iny faritra iny. Tsy lazaina intsony ny fifangaroan’izy ireo amin’ny maloto mitsingevana vokatry ny fahatsentseman’ny lakan-drano.
Pati
Legende : Nandritra ny asa fanadiovana natao nanomboka omaly!