airtel

Sosialy

19-avril-2024

Fahavitan-tena ara-tsakafo

Fanafarana vary hatrany no vahaolana hitan’ny fitondrana

Sample post image

Nanambara ny filoham-pirenena, Andry Rajoelina, raha ny fampitam-baovao voaray omaly,

19-avril-2024

fa tsapa fa tena niakatra ny vidim-bary. Tsy miankina amintsika fa amin'ny varotra iraisampirenena izany, hoy ny fanazavany. Vahaolana nambarany ho nentiny miaraka amin'ny lehiben'ny governemanta, toy ny efa nahazatra azy hatramin’ny fiandohan’ny fitondrany indray na dia efa nananaran’ireo mpamakafaka raharaham-pirenena sy mpahaitoekarena maro izao fitondrana izao aza, ny hoe hanafatra vary amin'ny vidiny mora 2000 Ariary. Ny fitondrana no handoa ny elanelany, hoy izy. Ankoatran’izay moa dia isan’ny mbola heno koa ny hoe hizara vary maimaimpona ho an’ireo tena marefo. Mampametra-panontaniana sy maha lasa saina ankehitriny ny hoe inona moa izany no mba fampandrosoana nentin’izao fitondrana izao mikasika ny toekarem-pirenena raha toa ka ny firenentsika nalaza hatramin’izay ho sompitry ny vary ity no lasa ampanankinan-doha tanteraka amin’ny fanafarana vary? Ny vary amin’io iaraha-mahalala fa mbola foto-tsakafon’ny malagasy hatramin’izay ka hatramin’izao? Izao ve izany ilay antsoina hoe fahavitan-tena ara-tsakafo, araka ilay nampanantenaina hatramin’ny taona 2018 no sady natao laharana faha 9 tao anatin’ny veliranon’ny filoham-pirenena efa tamin’izany fotoana izany? Isan’ireo tsy vitan’ny fitondrana teo aloha tao anatin’ny 60 taona nefa vitan’izao fitondrana izao ankehitriny ve izany ny nanafoana ny fahavitan-tena ara-bary eto amin’ny firenena? Fanafarana vary hatrany, araka izany, hatreto aloha, no hitan’izao fitondrana izao ho vahaolana hahatongavana amin’izany fahavitan-tena ara-tsakafo izany.
J. Mirija
 

Dans la même rubrique

25-juin-2024

Mitohy hatrany ny asa sosialy ! Taorian’ny didim-poitra faobe ho ana kilonga maherin’ny

Card image cap
24-juin-2024

Nankatoavin’ny filankevi-pitantanan’ny Tahirim-bola Iraisam-pirenena na ny FMI ny 21 jona lasa

Card image cap
24-juin-2024

Tsy manadino ireo mpiara-belona sahirana ny Fikambanana Hazotona amin’izao

Card image cap
24-juin-2024

Toy ny fanaony isan-taona dia tsy manadino ireo zokiolona sy sahirana ary olona manana

Card image cap