Tamberim-bidy avy amin’ny QMM

Tena manara-maso akaiky ny hafitsok'ireo orinasa mpitrandraka harena an-kibon'ny tany eto amintsika ny fiaraha-monim-pirenena. Anisan'izany ny OSCIE na ny fitrandrana harena an-kibon'ny tany mitondra fampandrosoana lovainjafy tarihin-dRabenandrasana Clement. Raha araka ny fanazavany tamin'ny mpanao gazety omaly izay marihina fa nozarainy traikefa ihany koa mba hahamatihanina azy ireny dia nisy tamin'ireo kaominina nolalovan'ny fitrandrana harena an-kibon'ny tany nataon'ny QMM no tsy nisitraka ny tamberim-bidy azo avy tamin'izany akory tao anatin'ny 5taona niasan'ny Ben'ny tanana iray. Lany foana io fe-potoam-piasana io hoy izy fa niala maina ilay Ben'ny tanana. Ankehitriny anefa nisy vokany ihany io ezaka nataon'ny fiaraha-monim-pirenena io ka fantatra fa 95 miliara Ar no tamberil-bidy azon'ireo kaominina voakasika izay mihoatra ny 20 isa. Efa ao anatin'ny kitapom-bolam-panjakana io lela-vola io ka misy amin'ireo kaominina no nahazo 19 miliara Ar. Na izany aza anefa mbola tsy azo kitihina io vola io raha araka ny fanazavan-dRabenandrasana Clément. Miankina amin'ny traikefa sy ny fahalalan'ilay Ben'ny tanana mantsy no hahafahany mampiasa io vola io mba hisy fiantraikany amin'ny fiainam-bahoaka mivantana izany. Toraka izany koa ny hiarovana azy ireny tsy hiditra am-ponja vokatry ny fahaizany mampiasa na mikirakira izany. Saika kaominina manamorona ny lalam-pirenena faharoa avokoa moa ireo voakasika ireo. Nanampy ny OSCIE nanofana ireo mpanao gazety ihany koa ny EITIE Madagascar.
Pati
Légende : Ireo tompon'andraikitra nizara fahalalana tamin'ny mpanao gazety omaly !