airtel

Sport

28-août-2023

Baolina kitra

Nirava ady sahala i Madagasikara sy Maorisy

Sample post image

Baolin'ny mpirahalahy! Izay azo amehezana ny fihaonan'i Madagasikara sy Maorisy ny sabotsy teo tao Mahamasina.

28-août-2023

Marina fa tafiakatra ny Barea noho io ady sahala 1 noho 1 io fa na izany aza dia somary nandiso fanantenana ny mpijery izay tsy nahafeno kianja noho ny tahotra hody alina. Vao efatra minitra nilalaovana dia nahatafiditra baolina tamin'ny lohany i Tsiry. Ary dia nionona tamin'io isa tokana io ny Barea. Tsy hoe nionona fotsiny aza fa mbola nanodina mpilalao i Roro Rakotondrabe taorianan'ny fialan-tsasatra. Navoakany daholo ireo mafy be toa an-dry Fabien Boyer, Tendry, Tsiry, Dadafara ary Nicolas. Niova toa ireny naboridana ireny ary niditra ireo antsy faharoa nahitana an'i El Hadary, Tantely, Rado ary Toky. Ary dia tonga ho azy ny baolina matin'i François nanasahala ny isa . Mety hoe fitsapana ireo mpilalao fiandry no nataon'i Roro Rakotondrabe satria fantany fa efa tafita any amin'ny manasa-dalana izy saingy ny olona tonga hijery rindran-dalao tsara. Izay moa ny vokatra ka samy faly na i Roro na i Fidy Rasoanaivo satria mila mandresy Seychelles na manao sahala izy dia tafita koa ny Club M.Tena adin'ny mpirahalahy samy mpilalaon'ny FC BFV moa ka inona no holazaina rehefa nisaraka tsy nisy maratra.
Clément RABARY

 

Dans la même rubrique

21-juin-2024

Voatazon’i Danemark 1-1 i Angleterre alina tao anatin’ny lalao faharoan’ny C.

Card image cap
21-juin-2024

Hiaka-tsehatra indray ny Frantsay anio amin’ny 10 ora alina ho an’ny andro faharoa ao anatin’ny Vondrona D.

Card image cap
21-juin-2024

Ho fantatra ny alahady ho avy izao ireo ekipa roa hiady ny famaranana eo amin'ny Coca Cola PFL ity.

Card image cap
20-juin-2024

Mafana hatrany ny fiadiana izay ho tompondakan’i Eoropa eo amin’ny baolina kitra na ny « Euro 2024 »

Card image cap
20-juin-2024

Nameno ny tambazotran-tserasera Instagram hatramin’ny Facebook indray omaly

Card image cap
20-juin-2024

Dia mbola eo amin'ny kianja eo Mahamasina ihany no nosafidian'ny mpitondra hanaovana ny fety.

Card image cap