Coach Rôrô sy Drogba “Mila mifampiantso sy mifampiresaka”

Antenain’ny hoavin’ny baolina kitra malagasy izy, noho izany, hoy ity tekinisianina ity. Mifaningotra amin’ny baolina kitra koa nefa ny fitondran-tena. Na mahay tahaka ny inona aza ianao nefa tsy mametraka an’izay ny fitondran-tena dia zava-poana. Ny disadisa eo anivon’ny Barea CHAN, tokony hajaina aloha ny mpitantana. Tokony tanterahana ny toromarika omeny sy ny zavatra tiany hapetraka. Ny mpanazatra no mahazo tsiny raha tsy tanteraka izay. Isika miheritreritra hoe olona iray no manao ny baolina. Fikambanana io. Isany ny mpilalao, ny mpanazatra, ny raiamandreny. Tokony hajaintsika izay rafitra izay. Mino aho fa amin’ny maha sportifa dia tsy maintsy hisy ny fifamelana. Tsy mino aho hoe ho tonga any amina resaka fikomian’ny mpilalao rehetra toy ny tamin’ny ekipam-pirenena frantsay tamin’ny 2010 akory io satria izay no nahavoa ny frantsay tamin’izany. Tsy nisy firaisankinan’ny mpilalao tany Afrika atsimo, ohatra. Te hifaninana amina resaka toerana ireo boay kelin’ny Barea CHAN ireo ka mino aho fa tsy ho tonga amin’izany. Marina fa mifaninana anaty Pro league ireo manao CHAN ireo fa mbola tsy azo ampitahaina amin’ny ekipam-pirenena frantsay na brezilianina. Mbola sahirana ny mpilalaontsika ka manana hambom-po te hampiseho ny talentany. Mila mifampiantso sy mifampiresaka ny mpanazatra Romuald Rakotondrabe na Coach Rôrô sy I Drogba. Raha misy faharesena tsinona dia ny mpanazatra aloha no ho voatsipindy voalohany vao ny mpilalao, hoy hatrany ity tekinisianina ity.
J. Mirija