airtel

Sport

07-mars-2022

Sport

Lonilony sy ady an-trano Tandindonin-doza ny baolina kitra Malagasy

Sample post image

Hanao lalao fitsapana amin’ny Eperviers Ekipam-pirenen’i Togo ny Barean’i Madagasikara ny 26 martsa izao, hatao any Maraoka, ho fanomanana ny fifanintsanan’ny CAN 2023.

07-mars-2022

Ny Togolais izay laharana faha-126 maneran-tany, raha toa ka faha-102 kosa I Madagasikara. Ho fantatra amin’ity herinandro ity ny mpanazatra sy ny lisitry ny mpilalao handrafitra ny ekipam-pirenena amin’io lalao io, hoy ny fampahalalam-baovao iray. Ny 21 martsa kosa hanomboka ny famondronana any Marrakech hanomanana an’io lalao ara-pirahalahiana io, raha tsy misy ny fiovana. Ny loharanom-baovao nahazo alalana havoaka avy amin’ny Komity mpanatanteraky ny Federasionina Malagasy (FMF) kosa no naneho, fa tsy misy ahiahy ny fanatanterahana io programa io sy ny famondronana any Maraoka, hoy hatrany ny fampahalalam-baovao.

MANDINDONA NY SAZY ?
Etsy andaniny, tandindonin-doza tanteraka ny baolina kitra Malagasy eo anatrehan’ny lonilony anatiny tsy mety vita eo anivon’ny FMF. Nisy ny fifanonganana teo amin’ny Filohan’ny FMF Atoa Raoul Arizaka Rabekoto sy ireo mpikamban’ny Komity mpanatanteraka tarihin-dry Alfred Andriamanampisoa. Nisy mihitsy ny famoaham-baovao nataon’ny ankilany mitady mpanazatra ho an’ny ekipam-pirenena A, Tale Teknika nasionaly (DTN),… izay namoahan’ny andaniny tarihin’ny Filohan’ny FMF Raoul Arizaka Rabekoto fa fisandohana. Ity farany izay efa nolazain’ny Fanjakana Malagasy fa tazonina any Bénin, ary efa nandeha ny dingana ara-pitsarana hampodiana azy na “extradition”, saingy hatramin’izao tsy hita ihany. Ny tena loza, ahiana ny sazy goavan’ny FIFA noho ny fandefasana ny raharaha any amin’ny Tribonaly Malagasy, indrindra fa hilaza ho mahefa io raharaha io ny fitsarana eto. Ny TAS (Tribunal Arbitraire du Sport) ihany no tokony hitsara ny fifanolanana. Ahiana ho tratry ny sazy henjana tahaka an’I Kenya sy Zimbabwe I Madagasikara. Vao ny 24 febroary teo no nirotsaka ny sazin’ny FIFA (Federarasionina Iraisam-pirenen’ny baolina kitra) manasazy ireo firenena ire, naato tsy ho afaka handray anjara amin’ny fifaninana rehetra iraisam-pirenena. Antony fitsabahan’ny Fanjakana sy ny governemanta ao amin’ilay firenena na “ingérances gouvernemantales” amin’ny raharaham-pitantanana ny baolina kitra ao amin’ilay firenena. Raha hiverenana kely, dia naongan’ny Minisitry ny fanatanjahantena Kenianina ny Filohan’ny Federasionina noho ny fifanolanana. Voatery miditra amin’ilay hoe: “Comité de normalisation” io firenena io,… Mampanahy ihany koa ny eto Madagasikara.
Toky R

Dans la même rubrique

24-juil-2024

Vaovao mahafaly ny fiverenan'i Kendji Van Boto milalao indray taorian'ny ratra nahazo azy.

Card image cap
24-juil-2024

Vaovao tsara ho an'ny basketball malagasy ny fifindran'i Mathias M'Madi

Card image cap