airtel

Sport

13-mai-2024

Rugby - Ladies Makis

Maro ny ezaka mbola mila atao

Sample post image

Resy ny Ladies Makis omaly. Resy 17 noho 46 nanoloana ny Springbok Afrika Atsimo.

13-mai-2024

Na izany aza dia tafita hiatrika ny Amboara eran-tany WRXV 3 any Dubaï ny Malagasy raha any Angletera WRXV 2 kosa ry zareo Afrika Atsimo.Ny tena sangany eran-tany eo amin'ny rugby vehivavy kosa dia hifamotoana any Canada.Kilasy fahatelo izany no misy ny Ladies Makis ary izay no hikazana hoe mbola tena lavitry ny afo ny kitay. Ny lalao omaly na dia betsaka aza ireo mpanohana no tonga dia afaka nandrefesana ny dingana mbola ho lalaovin'ny Makis vehivavy.Vao 8 minitra monja dia efa nanokatra ny isa ny Afrika Atsimo ary fahaefatradiny dia 22 noho 0 ny isa teny amin'ny tabilao. I Sophie no nanindry ny baolina voalohany ho an'ny Makis fa vao maika romotra ny Springbok. Tsotra anefa ny endri-dalao nataony dia ny mamoaka baolina ary manosika be tonga any anaty faritry ny Makis dia manindry. Manam-batana sady matanjaka rahateo ry zareo ka tsy nisy azo natao. Fenitra kapiteny aza navoaka tsy lera (18mn) fa tena valaka.Efa nampilalao ireo mpisolo-toerana fotsiny sisa ny Afrika Atsimo vao mba nahita irika kely ny Malagasy ary lasa 17 noho 46 ny isa farany teny amin'ny tabilao . Raha mijery ireo vahoaka marobe tonga anefa dia fandresena ihany iny hoan'ny ekipan'i Marcel Rakotomalala satria tsy an-jaza koa ny vidim-pidirana fa nanaraka ny toetrandro satria dia 10000 sy 5000 ariary ary 2000 ariary ho an'ny ankizy.Teo amin'ny Lalao voalohany dia tesin'ny Kenya 39 noho 17 ry zareo Kamerone.
Clément RABARY
 

Dans la même rubrique

19-juil-2024

Miditra eo amin'ny fifaninana Afrikanina daholo izao na ny Barea na ireo ekipa roa misolotena antsika dia ny Elgeco

Card image cap
18-juil-2024

Efa any Botswana ny ekipa malagasy hiady ny fiakarana ho Vondrona faha 4 amin'ny Coupe Davis.

Card image cap