Sport

I Miotisoa Rasendra eo alon'ny vehivavy ary Tefy Ranja Rabarijaona eo amin'ny lehilahy. Raha fanasana manokana, wild card, no azon'ity farany mandray anjara dia tafiditra ao amin’ny tabilao lehibe kosa i Miotisoa noho ny laharany eo amin'ny sokajy junior eran-tany. Misy dia misy ny fanantenana indrindra ho an'i Miotisoa izay efa zatra fifaninanana avo toy izao. N'y tombony dia ny fananany mpanazatra efa matihanina satria dia efa an-toerana i Dina Razafimahatratra ilay Tale Teknika Nasionaly taloha. I Dina Razafimahatratra aza moa dia nantsoin'ny federasiona iraisam-pirenena hitazona ny toeram-piofanana any Sousse Tonizia saingy nolavina izany noho ny fitsinjovany ny fianaran-janany any Libreville Manana finoana aho amin'ny ho avin'ny tennis malagasy hoy i Dina izay nanamarika fa vao 16 taona sy tapany i Miotisoa.

Raha ny vaovao farany omaly hariva dia tafita any amin'ny ampahavalon-dalana i Miotisoa raha resin'ilay avy atsy Togo, Koffi André Digbefou kosa i Tefy Ranja Rabarijaona tamin'y seta roa, (5/7 ; 4/6). Lasa miady filaharana sisa i Tefy. I Miotisoa moa dia nandresy ilay Afrikanina tatsimo tamin'ny seta 2 noho 1 (6/2 ; 4/6 ; 6/1).
Clément RABARY