Ambohimiarina-Andilanatoby

Loza amin'atambo no nitranga tao Ambohimiarina Kaominina Andilanatoby Distrika Amparafaravola ny tolakandron'ny Talata teo. Raha mbola tany ampivoriana ny Fokonolona nifidy izay ho Sefo Fokontany, ankoatra ireo tany an-tsaha, no nirehitra ny toeram-ponenan'izy ireo. Nikoropaka ny rehefa vao nahazo fampandrenesana nanao izay hifehezana ny afo. Trano folo tafo no may kilan'ny afo, namela traboina 40 mianaka. Nampiahiahy ny mponina ny nahita ny fahavoazana satria misy amin'ireo trano ireo no mielanelana ampolony metatra nefa may. Tsy nisy ny aina nafoy tamin'ity loza ity fa ny fananana no kila hotohoton'ny afo. Vary 17 gony sy vola mitentina 3 tapitrisa Ariary miampy fitaovana ao an-tokantrano levon'ny afo. Misy amin'ireo traboina no tsy manana afa-tsy izay akanjo teny an-koditra, ka miantso tolo-tanana izy ireo. Efa tonga nijery ny zava-misy sady nampahery ireo niharam-boina ny Ben'ny tanàna sy ny mpiara-miasa aminy.
Jean D.
Rindrin-trano sisa nijoro vokatry ny haintrano tao Ambohimiarina - Andilanatoby