Diplaomasia

Tonga eto Madagasikara omaly Alakamisy 5 Novambra 2026, Atoa LIU Wei. Izy no Masoivohon'i Sina voatendry hiasa eto Madagasikara, mandimby toerana an'Atoa Ji Ping. Ity farany izay namarana ny asany teto Madagasikara ny volana Septambra 2026, rehefa niasa teto nandritra ny roa taona. Nitsena an'Atoa LIU Wei mivady teny amin'ny seranam-piaramanidina Ivato ny tompon'andraikitra ao amin'ny masoivohon'i Sina. Nisy fanambarana fohy nataon'Atoa LIU Wei teo ampahatongavana teny Ivato, nilazany fa "lalina ny fisakaizana eo amin'ny vahoaka Sinoa sy Malagasy". Ny diako, hoy izy, dia "mitondra vaovao tsara momba ny fanondranana vokatra ara-pambolena any Sina" amin'ny alàlan'ny fandaharan'asa tsy misy hetra, fifanakalozana ara-kolontsaina, ary fiaraha-miasa. "Izaho sy ireo mpiara-miasa amiko eto amin'ny masoivoho dia hiara-hiasa mafy andro aman'alina mba hampiroboroboana ny fiaraha-miasa roa tonta izay mahasoa ho tombontsoan'ny vahoaka roa tonta", hoy Atoa LIU Wei.
Nangonin'i Jean D.
Atoa LIU Wei mivady (afovoany) notsenain'ireo mpiasan'ny masoivoho teny ampahatongavana teny Ivato