FIKAMBANANA SAKAIZAN'NY

Ny Fikambanana Sakaizan'ny Tanora Malagasy no hany manampy sy mampianatra maimaim-poana ireo zanaky ny sahirana ho afaka hanohy fianarana eny anivon'ny sekoly ambony. Ny 20% n'ireo tanora afaka Bakalorea rahateo raha misy no afaka manatanteraka izany vokatry ny fahasahiranana. Andrianaivoson Rado Harivonjy no Filohan'ny fikambanana. Teraka tao anaty fahasarotana sy fahasahiranana tanteraka izy raha araka ny tantara. Lehibe ny lohany vao teraka izany hoe : tratry ny aretina "Hydrocéphalie". Feno rano ny ati-doha nefa koa niady irery ny Reniny. Noho ny hatsaran'ny vintana anefa dia nanaiky ny nandidy sy nametraka"Valve" maimaim-poana taminy ny Profesora iray tao amin'ny hopitaly HJRA. Naharitra an-taonany maro tao an-dohahan'i Rado io valve io ka nisy fiantraikany taminy tokoa ary voatery nalana indray. Nodidiana fanindroany Rado taorian'izany ka velona soa aman-tsara antony nahatsapany fa manana iraka ho an'ny Tanindrazana izy. Nanokatena ho an'Andriamanitra izy nanomboka teo ary nisafidy ny hanampy ny Tanora Malagasy maniry hanohy ny fianarany eny amin’ny Sekoly Ambony ". Nanomboka ny taona 2003 no nanatanterahany io asa soa io ho an'ireo tanora izay tena manam-piniavana marina. Marihana fa i Rado irery no miahy ireo tanora ireo. Miantoka manontolo ny saram-pisoratana anarana sy ny saram-pianarany eny amin’ny ambaratonga ambony. Toraka izany koa ny fanabeazana sy ny sakafo eny hatramin’ny fampiantranoana ireo izay tena mila izany toy ireo efa kamboty. Miantso ireo malala-tanana afaka hifanohana aminy araka izany ny fikambanana. Ny laharam-pindainy 033 10 580 65 no misy Airtel money raha ny 038 53 895 45 kosa no misy ny MVola.
Pati
Légende : Izy no Andrianaivoson Rado Harivonjy aminy !