Ny Rado Rafalimanana

Tena nampihetsi-po ahy manokana ny lahateny nataon'ny filohan'ny fanavaozana an'i Madagasikara, ny Kolonely Mickael Randrianirina, teto amin'ny Abu Dhabi Sustainability Week - ADSW, hoy ny mpandraharaha malagasy monina any an-toerana, Ny Rado Rafalimanana, omaly, satria dia nataony tamin'ny teny malagasy izany. Nanontany ahy daholo ny emiraty hoe mitovitovy amin'ny teny arabo ny teny malagasy, hoy izy. Eny hoy aho satria ny teny malagasy anisan’ny renin-teny tranainy. Sady nihaino daholo ny rehetra no mafonja ihany koa ny hafatra ho an’ireo mpamatsy vola iraisampirenena. Rehefa ivelan'i Madagasikara dia tokony iray feo daholo ny malagasy! Izay no tena atao hoe fitiavan-tanindrazana. Ny fanahy no mahaolona. Ny hery tsy mahaleo ny fanahy. Hanova zavatra maro isika ho an’i Madagasikara. Samia mitondra izay tandrify fa Madagasikara an’ny malagasy, hoy hatrany ity mpandraharaha ity.
Nangonin’i J. Mirija