RAHARAHA

Omaly Alarobia 25 Febroary no tokony nandalo teny anivon'ny Fitsaràna miady amin'ny kolikoly na ny PAC etsy amin'ny 67ha ny mikasika ilay raharaha Trano Pirinty Loterana Malagasy. Fanadihadiana ireo olona voakasik'ilay fanodikodinam-bola tao amin'ity ivon-toerana ity no antony. Noho ny tsy fahatongavan ireo voarohirohy anefa dia nahemotra amin'ny 05 Martsa ho avy izao indray ny raharaha. Tsiahivina fa efa nisy ny olona naiditra am-ponja vonjimaika tamin'ity raharaha ity. Olona miisa 3 nitantana ny TPLM anefa no nahazo fahafahana vonjimaika ny iray ka lasa miteraka ahiahy amin'ireo mpiasa izany. Lasa lasibatra ireo 40 mianadahy mampiodina ny TPLM izay marihina fa vao avy nahavita fivoriambe. Ny karama sy ny fahafahany mitsabo tena ary ny CNAPS no tena olan'izy ireo. Andrasana araka izany izay mety ho tohin'ity raharaha ity ny 05 Martsa ho avy izao.
Nangonin'i Pati
Légende : Tokony niakatra teny anivon'ny PAC ny raharaha fa niihemotra indray !