Vidin-Tsolika

indray ny vidin-tsolika nanomboka ny 01 novambra teo. Tafiditra ao anatin’ny fepetra fanavaozana mandeha ho azy ny vidin-tsolika eto Madagasikara na « Mécanisme d’ajustement automatique du prix des carburants ». Araka ny kajy sy tarehimarika navoakan’ny Ofisy Malagasy misahana ny akoran’afo na ny OMH, tsy niova ny lasantsy fa mijanona ho 5060Ar ny litatra. Nisy fidinany 150Ar kosa ny gazoala, ka 4.550Ar/L ankehitriny raha 4700Ar teo aloha. Nisy fidinany 70Ar ihany koa ny solika fandrehitra, ka lasa 3400Ar ny liatra raha 3470Ar teo aloha. Azo lazaina ho zava-dehibe aloha io indrindra ho an’ny gazoala ka irariana mba tsy sanatria hisy fiakarana midangana aoriana. Asa manao ahoana ihany koa ny mety ho mbola fisiana kaonty mifampiditra eo amin’ny Fanjakana sy ny mpandraharahan’ny solika, indrindra taorian’ny fiovan’ny Fitondrana ? Tahaka izany ihany koa ny fifanarahana manodidina ny Jirama na eo amin’ny lafiny famatsiana solika na ny famatsiana angovo ?
Toky R