tia tanindrazana

Parution du Jeudi, 30 Juin 2022

airtel

Edito

Hanonofy hatramin’ny farany

Nanome 3 andro ny tompon’andraikitra hitondrana vahaolana mikasika ny fisondrotry ny vidin’entana eny an-tsena ny filoham-pirenena ny volana aogositra.

26-oct-2021

Sample post image

 Nanonofy ny fidinan’izany avokoa ireo izay nino izany vahaolana izany saingy iaraha-mahalala hatramin’izao ny zava-misy. Mampikaikaika ny maro ny vidim-piainana. Afaka 3 andro koa, hoy hatrany ny fitondrana, volana vitsy lasa izay, dia hivaha amin’ny alalan’ny fahatongavan’ny entana ilaina an-davan’andro na PPN 20 sambo ny olan’ny vidim-piainana. Mbola samy miandry daholo indray. Manonofy izany ireo mino azy rehetra. Manonofy mahita kianja manara-penitra marobe, mahita kianja Barea manaitra maso sy toa tsara tarehy, mahita EPP manara-penitra izay mahasarika ny maso koa rehefa jerena ivelany kanefa ny fanadihadian-drizareo avy any dilambato izay nampiseho ny tao anatin’izy ireo dia naneho fa endrika ivelany ihany tokoa kay no betsaka aminy fa manahirana ihany ny mahita ny any anatiny. Manonofy aloha isika hatreto rehefa mahita ny endrika ivelan’ireo toerana lalovan’ny filoham-pirenena sy manam-pahefana hafa izay ahitana mponina mandray azy ireny amin’ny fomba hita ho tena makotrokotroka. Asa kosa na mbola hijanona any anaty nofy na hametraka ny tongotra hitehaka amin’ny tany amin’izay rehefa mahita ireo fitokonana marobe ataon’ny sehatra rehetra na miankina io na tsy miankina amin’ny fanjakana. Mitokona ny mpampianatra mpikaroka, mpianatra mpikaroka, mpandraharaha eny amin’ny oniversite. Mitokona ny mpiasan’ny fandintseranana hatramin’ny mpandanja fiara, eny, iza moa no nanampo fa hatramin’ny mpivaro-kazo dia ahiana ihany hitokona ihany? Asa hoe firy amintsika vahoaka no mametra-panontaniana hoe izany rehetra izany ve no vokatry ny filomana anaty nofy tao anatin’izay 3 taona sy tapany izay sa inona? Ny zava-misy izany izao dia maro ireo manontany hoe miantraika any anaty vilaninay ve izany rehetra izany? Misy koa ireo milaza hoe efa ela no nihohoka ny valinay. Samy entina milaza ny tsy fisiana isan-tokantrano daholo izany rehetra saingy samy andrasana daholo ankehitriny na ny mpitondra na ny olompirenena handray ny fepetra tena mifanaraka amin’ny zava-misy fa raha tsy izany dia hanonofy hatramin’ny farany eto isika.
J. Mirija
 

Dans la même rubrique

Card image cap
Fifanatrehana sa fifandokafana ?
29-juin-2022

Raha ho an’ny sofina mihaino sy maso mahita dia tena manaitra tokoa ny maheno sy mahita izay teny sy soratra hoe “fifanatrehana” izany.

Voir plus