politika izay mihevitra ny tenany ho mahavita mampatory mitsangana hatrany ny vahoaka. Tena izay fiheverany izay ve anefa no zavatra mitranga sa efa tofoka sy leo amin’ny lainga, fitaka, fandokafan-tena ny valalabemandry ka mitazam-potsiny sisa ? Henjana ny fandokoana ny mainty ho fotsy ka na efa hita mibaribary izao aza, efa tsy takonana hafenina fa miharihary toy ny vay an-kandrina ny tsy fahombiazam-pitantana, dia mbola mandeha ny politikan’ny gisalahy mangala-ketsa, ka ny efa manao ny tsy mety indray no avo vava. Tsy resaka tsy fitiavana olona iray na vondron’olona, fa tena tonga any amin’ilay hoe : izahay aloha izao no eto dia izay tianay sy metimety aminay no tsy maintsy ekena, eny fa hatrany amin’ny fandisoana ny tantara aza ! Dia tena adala ve ireo sehatra maro samihafa na avy ato anatiny na eo amin’ny sehatra iraisam-pirenena mamoaka ny fanasokajiana maro samihafa, fa tena tsy mitsahatra mihemotra sy mitotongana anie ity Madagasikara ity e !? Hafa ny tany amin’ny 15 taona lasa namendrofendroana ny vahoaka tamin’ny filazana fa ho 2000Ar ny menaka ary ho 500Ar ny kapoakan’ny vary satria nipoitra ny nambara fa olom-baovao hitondra fanavotana, dia nandaitra ny mazia mazian’ny serasera, fa izao anie efa tsy vaovao amin’ny rehetra intsony ilay olona e ! Na ny kabary haloaky ny vavany aza efa mitady ho hay tsianjery, ny fampanantenana tsy tanteraka ny ankamaroany, ny ronono an-tavy,… Dia tena hoe : resy lahatra ve ny olona sa manaiky tsy sazoka manoloana ny didiko fe lehibe, ny amboletra, ny famoretana amin’ny endriny maro,… Tsy resaka fankahalana mihitsy fa raha izao zava-manjo ny firenena sy ny vahoaka izao izay mbola miharo fitantanana tsy mahomby sy mandrendrika firenena dia asa izay hanjo ity firenentsika ity afaka 5 taona. Ny efa mpanimba sy mpandrafa efa iaraha-mahalala ary tsy hanaiky ho diso mandrakizay angamba fa ny rehetra mitazam-potsiny eo anatrehan’ny faharendrehan’ny firenena no mila fifohazana faobe !
Toky R
Ny noheverina fa kandidam-panjakana taloha any amin’ny faritra sasany lasa kandida tena lohalaharana amin’ireo
Manahirana amin’ny fanaovana politika eto Madagasikara ny fisian’ireo antsoina hoe : «