Tsy miafinkafina intsony fa tena nipoaka nanomboka ny sabotsy teo mihitsy ny fizarazarana niha lalim-paka tao anatin’izay 15 taona izay. Nilaza am-pahibemaso moa ireny ny heverina ho raiamandreny be indrindra mpitari-tolona tamin’izany fa tsy izao iaraha-mahita ankehitriny izao mihitsy no nifanarahana tamin’ireny fotoana ireny. May volon-tratra tetsy ankilan’izay ireo izay milaza ho mbola miaro ilay fitondrana mijoro fa tokony hampiharina amin’ity raiamandreny be ity ny voalaza ao amin’ny andininy fa 74 mikasika ny fanesorana ny filohan’ny antenimieram-pirenena na ilay antsoina hoe «déchéance» ary tokony esorina amin’ny antoko misy azy koa ity raiamandreny ity fa tsy mitovy hevitra amin’ny antoko misy azy. Angaha moa tsy efa nesorina? Hevitry ny antoko sa fotokevitry ny antoko no tokony harahan’ny mpikambana ao anatin’ny antoko iray? Tsy vao taona vitsy, mba tsy hilazana hoe vao haingana, koa ve moa izay no efa nisy izany fikasana hanala amin’ny toerany ny filohan’ny antenimieram-pirenena izay fa nolavin’ny Fitsarana avo momba ny lalàmpanorenana na HCC? Tsy efa nisy fikasana hanongana praiminisitra mihitsy na hoe hitsipaka fitokisana amina praiminisitra mihitsy koa aza ve moa fa dia tratry ny fandavana hatrany koa? Miverina ny atao na ny antsoina hoe tody, hoy ny fahendrena malagasy izay ka asa izay ho tohin’izy ity!
J. Mirija
hoy ny filohan’ny antoko politika MFM izay omaly. «Misy fetrany ihany ny fitondrana miorina
Mihazakazaka any amin’ny fanenjehana ireo mpifanandrina ara-poto-kevitra aminy hatrany ny fitondrana,