Tsy maintsy miroso

miroso amin'ny fanavaozana.Io no zavatra nandrasana raha nitolona ny hery velona ny taona 1991, nanao ny azy ihany koa ny Tiako i Madagasikara ny taona 2002, tsy afa-po tamin'ny fitantanana ny firenena ny TGV koa dia nihetsika ny taona 2009. Efa nisy teto ihany koa izany hoe hetsiky ny 73 depiote ny taona 2018 , hetsika fotsy ny taona 2023 ary iny fihetsehan'ny tanora nanomboka ny volana oktobra 2025 iny no naharava ny fitondran'ny TGV Mapar izay saika hanorom-ponenana maharitra teto. Tsy adino ny tolon'ny mpianatra tamin'ny 1972 fa goavana ary tena nanamarika ny tantara. Isan-karazany mihitsy ny tolona nisy teto, nisy mpitarika maro nifandimby ary isaky ny miainga dia hoe ity no tena izy. Taona vitsy aty aoriana anefa miverina ihany ny krizy. Ampy kosa angamba izay ny ankitsapatsapa, mila resaka matotra, fifanakalozan-kevitra hahasoa marina ny fiarahamonina sy ny firenena no antenaina fa hisy amin'ity indray mitoraka ity ka mba hiaina izany fitoniana politika sy fampandrosoana mitohy izany amin'izay i Madagasikara. Efa tsy nahatratra tanjona hatrany hatrizay noho ny krizy politka , anisan'ireo firenena gisitra kanefa malaza hoe manankarena sy manana mponina matsilo saina. Fitantanana tsy mahomby no antony, ka raha io no miova, dia hanomboka hotanteraka ilay tononkira ao amin'ny Ry tanindrazanay malala o ! Hiadana sy ho finaritra , e sambatra tokoa izahay.
RTT