airtel

Edito

07-nov-2022

Edito

Velirano foana isan-taona

Sample post image

Andalana hifanarana indray ny 2022, izay nambaran’ny Mpitondra Fanjakana tany amin’ny fiandohan’ny taona fa ho taonan’ny asa, hanatanterahana ireo velirano maro,…

07-nov-2022

Betsaka ny zavatra notanisaina fa hatao, izay maro tamin’ireny no efa tany amin’ny fiandohan’ny fandraisana fahefana no nolazaina, misy aza ny tamin’ny tetezamita,… Hivalona ny taona, saingy mbola fitanisana programa sy vina lazaina hatao amin’ny taona ho avy hatrany no betsaka. Mbola hivarotra makety sy velirano, mety hiakatra avo folo heny amin’ny efa nambara satria hiditra fifidianana amin’io taona ho avy io. Ny hilaza fa tsy misy zavatra natao sy tsy misy zava-bita kosa dia fankahalana diso toerana, saingy raha jerena amin’ny saina sy ny fo tsy miangatra kosa, dia miha mahantra fadiranovana ny vahoaka maro an’isa, tsy voafehy sy mitotongana ny toekarena,… Mitombo sy mahazo vahana kosa ny fahalovana, kolikoly, afera maizina, fanodinkodinana volam-panjakana, fandripahana harem-pirenena, trafikana vatosoa sy volamena,… Anarana mpitondra ambony no matetika voatonona ao anatin’izany. Ireny niaraha-nandre ireny anefa ny tenin’ny filohana andrim-panjakana iray eo anatrehan’ny olona ao anatin’ny rafitra tantaniny voasaringotra amina afera maloto, fa dia boriboriana amin’ny hoe: izay tsy nanota taminareo no aoka hitora-bato azy. Tsy finiavana hitsara olona fahatany, fa mba mahagaga sy mampanongo tena hoe: olon’ny lalàna no manao firesaka tahaka izany. Isan’ny nanamarika ity taona ity sy ireo taona teo alohany ihany koa anefa ny fanenjehana sy fanagadrana olona, ankoatra ny fampihorohoroana ara-batana sy ara-tsaina na ankolaka na mivantana. Maro ireo tsy mitovy hevitra politika no nalefa any am-ponja, lazaina ho manohitohina ny fiandrianam-pirenena sy ny filaminan’ny Fanjakana, tao ny nogadraina tsotr’izao noho ny fanehoan-kevitra tamin’ny tambajotran-tserasera,… Ny mpanakiana fitondrana gadraina kanefa tsy misy basy mipoaka, tsy misy tranom-panjakana may, tsy misy Fanjakana miongana,… fa ny mpangalatra sy mpanodinkodina volam-panjakana amina miliara, ny mpanondrana volamena mipirina tany anaty minisiteram-panjakana sy ny maro hafa miadam-pinaritra eo an-kavanan’ingahy Filoha. Fandrosoana inona no mbola antenaina amin’izany ?
Toky R
 

Dans la même rubrique

24-mai-2024

fiheverana fa tsy refesi-mandidy sy afaka manao izay tiana hatao rehefa mahazo faka eo amin’ny fitondrana.

Card image cap
23-mai-2024

olana eto amin’ny firenena ity? Iny moa izany izao fa dia nireharehana indray ny andrana

Card image cap