airtel

Fampianarana

19-juin-2024

CEG BETSIMITATATRA 67 HA

Tsy ampy ny laza adina Jeografia, tara ny fanombohana

Sample post image

Mbola misy lesoka hatrany ny fanatanterahana ny fanadinam-panjakana eto amintsika.

19-juin-2024

Raha tamin’ny fanadinam-panjakana Bakalorea no nahitana izay nibaribary tamin’ny taon-dasa dia tany amin’ny fanadinam-panjakana CEPE indray tamin’ity taona ity. Tsy ampy ny laza adina Jeografia tokony natrehin’ny mpiadina rehetra omaly hariva tao amin’ny foibem-panadinana CEG Betsimitatatra 67ha. Tsy maintsy niandry ny fahatongavan'ny laza adina ny mpiadina rehetra noho izany vao afaka nanomboka. Tamin'ny 4 ora hariva arak'izany vao nanomboka ny taranja Jeografia hany ka taraiky ny fivoahan’ny mpiadina. Raha tokony nirava tamin’ny 04 ora sy sasany tany ho any izy ireo dia tamin’ny 06 ora latsaka ny sasany vao tafavoaka hany ka nitebiteby fatratra ny Ray aman-dReny. Soa ihany anefa fa marobe ireo niandry ny zanany teny an-toerana mandrapaharivan’ny andro saingy ny fitadiavana taxibe nodiana indray no tena nanahirana ho an’ireo izay tena tsy maintsy mila izany. Efa tsy milamina rahateo ny fandriampahalemana eto amintsika. Nambaran’ireo naneho hevitra tamin’ity tranga ity moa fa efa karazan’ny fanaovana tsinontsinona ny fanabeazana eto amintsika mihitsy ny tahaka izao.
Nangonin’i Pati
Legende : Tratra hariva tahaka izao avokoa ireo kilonga madinika niatrika CEPE tao amin’ny CEG Betsimitatatra 67 ha !

 

Dans la même rubrique

19-juil-2024

Sorena ny olona, tapatapaka ny jiro ! Tezitra ny mpianatra, ka raikitra ny fandorana kodiarana sy ny tora-bato tany

Card image cap
19-juil-2024

Miverina matetika ny olana eo amin’ny fiantohana ny solontena Malagasy amin’ny

Card image cap