Fanovàna sy fanavaozana ny

Mbola nanohy ny fitokonany indray omaly ireo mpiofana ho mpampianatra teo anivon’ny INFP sy sam-pam-pampianarana ambony mampiofana ho mpampianatra samihafa, raha ny fampitàm-baovao voaray. Maro ireo teboka mbola tsy mazava, raha ny mikasika ny fanovàna sy fanavaozana ny fanabeazam-pirenena, no ambara, hoy ny fanazavàna. Isan’ny fanontaniana nipetraka tamin’ny minisitry ny fanabeazam-pirenena sy ny tale jeneraly misahana ny fanabeazam-pirenena ny mikasika ny nanaovana ny 30.000 Ariary nalaina tamin’ireo mpifaninana hidirana ho mpiasam-panjakàna tamin’ny alalan’izany fiofanana teo anivon’ny INFP izany. Fifaninanana izay tsy nisy akory, hoy ireo niofana ho mpanabe, ary mpitsikombakomba ny minisitra sy ny tale jeneraly, raha tsy mazava izany resaka izany. Rehefa forongony dia tokony miala daholo, hoy hatrany izy ireo.
Nangonin’i J. Mirija

Sary fanehoana