Fampianarana

 ka raikitra ny fandorana kodiarana teo amin’ny vavahady miditra ny toeram-pianarana omaly. Mitaky hatrany ny vatsim-pianarana 4 volana sy fampitaovana izy ireo satria tsy tanteraka ny teny nampanantenain'ny Ministera mahakasika ny fivoahan'ny « calendrier de bourse 4 mois » taorian'ny fahavitan'ny « digitalisation », araka ny ambaran’ireo mpianatra. Tsy dia fitakiana miharo herisetra fa nilamina kokoa ny omaly. Hatreto mbola fitakiana milamina aloha no hataon'ny mpianatra fa raha tsy mivaly ao anatin'ny 24 ora izany dia milaza hiverina hidina an-dalambe, hoy hatrany izy ireo. Tsara ny mampahatsiahy, fa ny fiandohan’ity volana ity no nivoaka ny tetiandro fizarana ny vatsim-pianarana 1 volana miampy fampitaovana, saingy tsy nahafaly ireo mpianatra. Somary niato ny fitokonana nanomboka ny 04 martsa, saingy io mitohy io indray. Ny tany Toliara kosa dia novaliana 100% ny fitakiana, ary nomena omby 3 ny mpianatra. Efa nivoaka ihany koa ny tetiandron’ny 4 volana miampy fampitaovana any Toamasina.

MIANTSO FITONIANA NY MINISTERA SY NY CFM

Nilaza kosa ny minisitra Assomacou Elia Beatrice omaly, fa tsy ho an’ny mpianatra ny polyteknika ihany ny fitakiana fa ho an’ny rehetra rehetra. Mitety oniversite ny minisitera izay miara-miasa amin’ny Vaomieram-pirenena momba ny fifidianana mba hisorohana ny olana. Ao anatin’ny fanajariana ny lisitry ny mpianatra misitraka ny vatsim-pianarana. Misy ny tsy tonga tamin’ny fanisana. Misy ny efa nahavita, ary manafaingana ny mbola tsy vita ny Ministera, hoy io Minisitra io. Niantso fitoniana ny Filohan’ny CFM, ary niantso ihany koa ny manampahefana hidinika sy hitady vahaolana. Niara-niaiky ny roa tonta fa ny fifampidinihana ihany no ahafahana mametraka ny fitoniana. Ny eto Antananarivo mitarazoka, fa ny tany Toliara tonga dia novaliana taorian’ny sakoroka. Nomena tombony tamin’ny fanomezana omby aza, ka misy ny mpianatra mahatsapa mizana tsindrian’ila.

Toky R