Mpisehatra mivantana amin’ny fampianarana

mivantana amin’ny fampianarana izay ahitana mpampianatra, talen-tsekoly, tompona sekoly, sendikan’ny mpampianatra ao amin’ny fanjakana na tsy miankina. Misy ireo am-perinasa. Misy ireo misotro ronono. Manao antsoavo, mihikahika izahay, hoy izy ireo, satria mila vonjy ny fampianarana, izay mijaly, atao ambanin-javatra, atao sorona, atao takalon’aina. Io nefa no antoka voalohan’ny fampandrosoam-pirenena. Hitanay matihanina ao amin’io sehatra io fa mitotongana hatrany izany fampianarana izany. Mila ifandrimbonana ny manarina azy mba ho mendrika ny zaza malagasy rehetra manerana ny nosy. Ny hevitry ny maro no mahataka-davitra. Ry Ray aman-dreny, ry mpampianatra sy mpitantana sekoly, ry mpianatra andao hiaraka hanarina ny fampianarana izay antoky ny hoavy, hoy hatrany ireto mpisehatra nivondrona anaty vovonana antsoina hoe «Vonjeo ny fampianarana!» ireto. Nilaza moa izy ireo fa hitohy tsy ho ela ny hetsik’izy ireo.
J. Mirija