FOROCHE

Nametraka ny fitaovam-piadiana sy fitaovana fampiasa entina mampihorohoro sy handrobana ary hanaovana asan-jiolahy ireo tovolahy sy vavy fantatra amin'ny anarana hoe : foroche tao Ambanja. Noho ny hetsika fanentanana, fampianarana sy fananarana ary fampihavanana izay natao hampivondronana indray ireo tanora ao anatin'ny fokontany rehetra mandrafitra ny Kaominina ambonivohitr'Ambanja no nahazoana ny vokatra. Napetrak’izy ireo tamin'ny tany noho izany ireo fitaovana. Naterina tao amin'ny tobin'ny zandarimaria ihany koa ny Coupe-coupe, trois canal, mesobe, goro, flesy, lamberaka ary sabôha isan-karazany. Natao ny fampihavanana sy ny famelan-keloka taorian’izany ka vonona ny hampitsahatra ireo herisetra ny tanora.Tonga nanatrika izany ireo olobe tao an-tànana nahitana ny ampanjaka TSIARASO IV, ny Solombavam-bahoakan'i Madagasikara voafidy tao Ambanja, ny Lehiben'ny Distrika Ambanja....Nofaranana tamin’ny fanolorana baolina kitra ho an’ireo ankizy tanora ny hetsika ho mariky ny fampiraisana.
Nangonin’i Pati
Legende : Nametraka ny fitaovana nampiasainy tahaka izao ireo andian-jatovo mpanao herisetra !