IHOSY

Vehivavy iray manodidina ny 35 taona no nosamborin'ny Polisy tany an-toerana ny 20 Aprily lasa teo rehefa tra-tehaka nangalatra tao amin'ny mpivarotra kojakoja momba ny finday ao amin'ny Fokontany Tanambao. Finday miisa 08 be izao niampy kojakoja hafa toy ny "chargeurs" miisa 25 ary "batteries" miisa 23 no nangalirin'ity ramatoa ity. Nifanenjehan'ny fokonolona sy ny Polisy moa ity farany nandritra izany ka tratra niaraka tamin'ireo entana halatra ireo. Rehefa nanontaniana ity mpangalatra ity dia nilaza fa tsy an’asa nefa mamelon-janaka, antony mampanaotao foana azy tahaka izao. Tsiahivina moa fa saika tsy an’asa avokoa ireo mpangalatra sy mpanendaka eto amintsika saingy na izany aza tokony tsy tokony hambotry ny mpiara-belona tahaka izao izy ireo.
Pati
Legende : Ity ilay Ramatoa tratra nangalatra finday tao Ihosy !