Sarintsarina «Kidnapping »

mba hahazoana vola. Miainga amin’ny fanambakana sy fisolokiana izany ary tonga hatrany amin’ny fanaovana sarintsarina fakana an-keriny toy ity nitranga teny Mandrosoa Ivato omaly ity.Nanao fitarainana ho naharay antso an-tarobia tamin'ny sakaizany taloha sy ny sipan'ity farany ny Raim-pianakaviana iray fa nisy naka an-keriny ny zanak'izy ireo. Nanery ity raim-pianakaviana ity handefa vola mitentina 1 000 000 Ar izy ireo ho sandan'ny amin'ilay zaza any amin'ireo jiolahy mpaka an-keriny. Tsy vitan'izany fa nampitahorin'izy ireo fa hisy haka an-keriny ihany koa ny vadin'ity raim-pianakaviana ity amin'izao fotoana izay efa mitondra vohoka. Nanao fitoriana teny anivon'ny zandarimaria PA Mandrosoa araka izany ilay raim-pianakaviana ka nosokafana ny fanadihadiana. Tratra ilay vehivavy,sakaizan'ity Raim-pianakaviana ity taloha niaraka tamin'ny lehilahy miaraka aminy, voamarina fa tsy nisy akory ny fakàna an-keriny ary tsy misy jiolahy mpaka an-keriny ihany koa. Izy roa ireo ihany no niketrika izany mba hahazoana volabe hanaovana faran'ny taona kinanjo ….mangahazo no hiandry azy.
Pati
Legende : Ireto izy roa be ati-doha !