Adin’ny Taxi sy Taxi-moto Hotsaraina ao amin’ny Filankevi-panjakana anio

Marihina fa lany teo anivon’ny filankevitra monisipaly ihany ny Taxi-moto rehefa naverimberina nolaniana satria efa tany amin’ny fanintelony vao lany, rehefa nampidirina tamin’ny fivoriana tsy ara-potoana tamin’ny septambra 2022. Omaly maraina, nametraka fitoriana eny amin’ny filan-kevi-panjakana ny FTAR tarihin-dRtoa Clémence Raharinirina. Anio amin’ny 9ora maraina ihany dia handeha ny fotoam-pitsarana ao amin’ny Filankevi-panjakana eo anivon’ny Fitsarana an-tampony ao Anosy, izay niantsoan’ny Filohan’ny FTAR firaisankiana amin’ireo mpikambana ao aminy amin’ny maha toko iraisan’izy ireo azy. Ny andaniny ihany koa manamafy fa ara-dalàna sy manamafy fa tokony tsy hosakanana ny asa fihariana ka asa izay ho valin’ny raharaham-pitsarana eo anatrehan’ny fifanolanana hatry ny ela?
Toky R