Ahiahina solika mitapoka ao Toamasina

eo anivon’ny minisiteran’ny angovo sy ny akoran’afo omaly. Tsy ho ela dia hakarina hihazo an’Antananarivo ireo milina mpihary herinaratra miisa 7 ho an’ny fanitarana ny tobim-pamokarana herinaratra ao Ambohimanambola, hoy ny fanazavana. Tsiahivina fa manana tanjaka 15 MW isanisany izy ireo, ka hanome totaliny 105 MW. Tanjona ny hanampiana sy hanatsarana ny kalitaon’ny famatsiana herinaratra amin’ny Tambazotra Iraisan’Antananarivo na RIA. Famatsiam-bolan’ny fitondram-panjakana malagasy no hanatanterahana manontolo ny asa fananganana. Vinavinaina amin'ity taona ity ny fahavitan'ny asa, raha ny voalazan'ny teknisianina hatrany. Tetsy ankilany dia nidina ifotony nanatanteraka fitsirihana na “prélèvement et contrôle qualité des produits pétroliers” tao amin'ny toby fivarotan-tsolika iray ao Tanandava Toamasina ny 9 Janoary 2024 ireo tomponandraikitra isan-tsokajiny avy ao amin’ny fitaleavana iraisam-paritry ny angovo sy akoran’afo na DIEH ao an-toerana sy ny solontenan’ny OMH niaraka tamin’ny mpitandro ny filaminana. Nandritry ny fitsirihana savaranonando tao an-toerana dia tsy nahitana toe-javatra mampiahiahy. Misy kosa nefa ny fandefasana ireo santionan-tsolika nalaina hiakatra aty Antananarivo ho tsirihina lalina ao amin’ny laboratoaran’ny OMH. Vonona ny rehetra amin’ny fiaraha-miasa sy ny fanatanterahana ny paikady hamongorana ny tambazotran’ireo mpanapoka solika ao Toamasina araka ny vaovao niparitaka tamin'ny tambazotran-tserasera «Facebook». Nitohy omaly 10 Janoary 2024 ny fitsirihana ireo toby fivarotan-tsolika rehetra ao an-toerana araka ny fanamarihana nataon’ny DIEH Toamasina, Chadly Wander Assany, hoy hatrany ny fampitam-baovao voaray omaly.
J. Mirija