airtel

Fifamoivoizana

17-juin-2024

Antananarivo renivohitra

Nogiazana ireo kodiaran-droa tsy nanara-dalàna

Sample post image

Nogiazana avokoa ireo kodiaran-droa na «moto» tratra tsy nanara-dalàna

17-juin-2024

tetsy an-dohan’Analakely, izay nanombohana ny hetsika «Dona» eto Antananarivo renivohitra ny sabotsy maraina teo, raha ny fampitam-baovao voaray. Tao ireo tsy nanao aroloha sy nanao taingim-be ary nitondra taratasy tsy ampy. Natao hanamafisana ny fampiharana ny lalàna manoloana ireo fandikan-dalàna ataon'ny mpitondra kodiaran-droa ity hetsika ity, hoy ny fanazavana. Haharitra 5 andro ny hetsika, izay natao mba hisorohana ireo loza mety hitranga vokatry ny tsy fanarahan-dalàna, raha ny fanazavana hatrany. Tetsy ankilany, dia maro tamin’ireo mpitondra kodiaran-droa no tsy nanam-po ity hetsika ity. Isan’ny fanehoan-kevitry ny sasany tamin’izy ireo moa ny hoe ekena fa tokony arahana ny lalàna fa tena lafo koa etsy ankilan’izay ny filàna rehetra ahafahana manaja izany. Ny vidin’ny aroloha iray fotsiny no efa mananika ny 50.000 Ariary. Manginy fotsiny ny alafon’ny fikarakarana sy fikojakojana samihafa hatramin’ny vidin-tsolika. Mbola asa koa izao izay hitranga rehefa haka ireny «moto» ireny, hoy hatrany ireo fanehoan-kevitra.
J. Mirija
 

Dans la même rubrique

19-juil-2024

Hatairana ny an’ny mpandalo raha raha nahita tovovavy maratra mafy nihampatra teo an-tsisin-dàlana tsy

Card image cap
18-juil-2024

Hampiasa ny rindram-baika na « logiciel » antsoina hoe : E-Tsirika ny eo anivon’ny DGSR

Card image cap
18-juil-2024

Ny lalana RNT8 A mampitohy ny distrikan’Antsalova sy Maintirano hatreto no anisan’ny lalana

Card image cap