Fifamoivoizana

Raha araka ny loharanom-baovao azo mantsy dia efa nifarana tamin’ny 30 martsa teo ny fe-potoana farany hahafahan’ireo bajaj mampiasa ny lalana fahelan’ireo taxi brousse ireo toy ny miazo an’Antanambolo any amin’ny lalam-pirenena faha-31. Tsy nanaiky anefa izy ireo ny faran’ny herinandro teo fa mbola nanao dihi-doha ihany nanenjika ireo mpitsangatsangana sy olona nivezivezy tany amin’iny faritra iny ka tezitra mafy ireo mpitondra taxi brousse. Voatery nantsoina nandamina ny raharaha noho izany ireo mpitandro ny filaminana mivondrona ao amin’ny OMC any an-toerana ka niravona ihany ny disadisa. Nanambara moa ireo mpitondra taxi brousse fa tokony hanaja ny lalan-kalehany amin’izay manomboka ireo bajaj hisorohana ny fifandonana mety hisy tahaka izao. Samy vola mantsy no tadiavina kanefa lasa mifamono izy ireo rehefa tsy mahay mifandamina.
Pati