Fanohizana ny fanamboarana ny RN7

amin'ireo orinasa rehetra miandraikitra ny fanarenana ny Lalampirenena faha-7, mampitohy an’Antananarivo sy Antsirabe. Nanome baiko ho an'ireo orinasa tompon'ny asa hiverina avy hatrany hanohy ny asa, ny Minisitry ny Asa Vaventy Razafindrianarivo Henri Jacob. Raha hiverenana, nijanona tanteraka ny asa fanamboarana ny RN7 nandritra ny hetsi-bahoaka farany teo teto Madagasikara ary niala teny an-toerana mihitsy ireo orinasa miandraikitra ny asa. Maika ny Fanjakana teo aloha nanepaka ny tara na "goudron", kanefa ny asa nitarazoka. Nihitatra ny fahasimbana ary vao maika mampitombo ny fahapotehana ny firotsahan'ny orana. "Mila hafainganina ny asa, indrindra ny fanarenana ireo teboka tena mampijaly ny mpampiasa làlana, mba hanalana ny fahasahiranan’ny vahoaka", hoy ny toromariky ny minisitry ny asa vaventy izay nidina teny ifotony nijery ny fizotr'izany.
Toky R