Fiara tsy mataho-dalana tra-doza Mpirahalahy iray tampoa no indray namoy ny ainy

Olona mihoatra ny 3 no voalaza fa tao anatin’io fiara io ka anisan’izany ireo roalahy iray tampo namoy ny ainy izay mbola voalaza ihany koa fa zanaky ny tompon’ity fiara ity. Tsy voafaritra mazava moa na nandeha mafy loatra na vokatry ny olana ara-teknika no nahatonga ity fiara ity tra-doza. Potika tanteraka kosa anefa ny lohan’ilay fiara raha niala ihany koa ny kodiarany aoriana izay manaporofo fa mafy ny vaika natrehiny. Manodidina ny 20 taona eo ho eo moa izy roalahy ireto raha misy izay efa noezahina nentina teny amin’ny hopitaly ihany saingy tsy tana ny ainy. Miantso ny mpampiasa lalana rehetra mba ho mailo araka izany ny tompon’andraikitra fa lahy tokana ny aina. Tsy tokony handeha mafy ny mpamily, tsy tokony hisotrosotro ihany koa ary hitandro hatrany ny ain’ireo olona entiny.
Pati