tia tanindrazana

Parution du Mercredi, 28 Septembre 2022

airtel

Fifamoivoizana

Manangam-bovona ny Fanjakana “Efa nahazo ny fankatoavana rehetra ny teleferika”

Notanterahina tetsy amin’ny Kianja Mitafo Mahamasina omaly ny ambara fa fampandraisana anjara ny vahoaka ny fanombanana ara-tontolo iainana sy ara-tsosialy ny tetikasa “Téléphérique”

15-déc-2021

Sample post image

 nataon’ny Ofisim-pirenena momba ny tontolo iainana na ONE. Nambara fa tsy misy olana, saingy tsiahivina fa efa nolavin’ny Filankevitry ny tanànan’Antananarivo io, kanefa nisy ny karazana tetikady nentina nanomezana fahefana ny mpanatanteraka tsy handray fanapahan-kevitra tsy mila fankatoavan’ny mpanolontsaina. Trosa amin’ny anaran’ny Malagasy mitentina 151 tapitrisa euros arahina zanabola no hanaovana ny tetikasa, saingy olom-bitsy no nalaina ny heviny. Adihevitra goavana ihany koa ny momba ny ahiahin’ny mpino katolika, ary ny gazetin’io Fiangonana io mihitsy no nanao tsikera goavana momba ny fitaingenan’ny teleferika eo ambonin’ny fiangonana. “Misy ampahan’olona milaza, fa rehefa mandalo eo anoloan’ny Katedraly Andohalo dia manitsakitsaka ny hasina sy ny fiandrianana. Ny tenako mihitsy no namory ny Arsevekan’Antananarivo sy ny Filankevitry ny diosezy, ahitana ny olona rehetra mpanapa-kevitra. Nandalo tao amin’ny katedraly mihitsy io nankao amin’ny zaridainan’Andohalo, fa nitadiavina hevitra ara-teknika, ka nafindra aty aloha, fa tsy mandalo eo amboniny. Efa nankatoavin’ny Filankevitry ny diosezy niaraka tamin’ny Arseveka io, ka tsy misy intsony rafitra ambonin’izany na olona hilaza fa tsy natao izany fakan-kevitra izany”, hoy ny Sekreteram-panjakana miadidy ny tanàna vaovao Atoa Gérard Andriamanohisoa, fa ny tenany. Nambara fa amin’ireo gara 12 ampifandraisina, dia tanim-panjakana avokoa no hasiana azy, tsy misy na tany tsy miankina na iray aza. Amin’ireo andrin-jiro 178 mitovy amin’ny andrin-jiron’ny Jirama misy 30 m mahery ny sasany no handalo eny anelanelany. Hanaovana fandavahana lalina hatrany amin’ny 30m ahitana ny vato mafonja hametrahana ny fototra. Ao ambanin’ny tany eny Anosy Mahamasina, ohatra, dia nambara fa misy granite mainty be. Nambara fa tsy manana olana amin’ny maha vakoka ny tanàna. Tsy mihoatra ny 14m ny haavon’ny trano eny Andohalo. Ny Gara hapetraka eny, dia manaja ny taotrano misy eny, ary tsy mifanipaka ny sata momba ny maha vakoka tanàna sy ny teleferika. Nambara fa efa nisy ny fakan-kevitra “Commodo in-commodo”, saingy tsy nisy nitsipaka na iray aza, hiy ny Sekreteram-panjakana. Ho hita miandalana eny àry izany ny fizotry ny raharaha
Toky R
 

Dans la même rubrique

Card image cap
Mpiasan’ny ASECNA Niverina niasa saingy…
28-sept-2022

Efa niverina niasa avokoa nanomboka nanomboka ny talata teo ny mpiasa rehetra eo anivon’ny ASECNA (Agence pour la Sécurité de la Navigation Aérienne en Afrique et à Madagascar) ho an’ny eto Madagasikara,

Card image cap
Manamafy ny minisitra Solika manara-penitra no afaran’i Madagasikara
23-sept-2022

Naneho ny heviny mikasika ireo solika mitapoka hamidin’ny sasany etsy sy eroa ny Ministry ny angovo sy ny akoran’afo Andry Ramaroson omaly tetsy Fiadanana.

Card image cap
Ambatotokana Antanetibe Antehiroka Mitoka-monina tanteraka vokatry ny haratsian-dalana
23-sept-2022

Anisan’ny tanàna nitoka-monina tanteraka ny faritra Ambatotokana Fokontany Antanetibe Antehiroka, kaominina Antehiroka hatramin’izay.

Voir plus