Vokatry ny fahapotehan’ny lalana

Rava ara-bakiteny kosa ny tsenan’Alatsinainy tany Sadabe ao amin’ny distrikan’i Manjakandriana ao ny herinandro teo, raha ny fampitam-baovaon’ireo mponina any an-toerana, vokatry ny fahapotehan’ny lalana ao Ambohitrolomahitsy ao amin’ity distrika ity ihany. Hatreo Andrefan’Ambolomahitsy no azo naleha farany, hoy ny fanazavana. Mamotaka be tsy misy toy izany ny lalana ao anatin’izao fahavaratra izao. Na ireo fiara sokajiana hoe tsy mataho-dalana na 4x4 aza savolaina mizotra aminy. Izao ve izany ilay hoe “bye bye godra” araka ny fitenenana?
J. Mirija