airtel

kolontsaina

28-févr-2023

kolontsaina

Mpitsabo Malagasy FITRAMA Nametra-pialana tsy ho mpitantana intsony i Jean Nirina

Sample post image

Ny mpitsabo malagasy FITRAMA dia nandray hatrany ireo mpianatry ny oniversite miankina na tsy miankina amin’ny

28-févr-2023

fanjakana nangataka fizaran’asa sy fiofanana matihanina toy ny orinasa samihafa eto Madagasikara izay mandray ireo mangataka izany, hoy ny filohan’izy ireo teo aloha izay nametra-pialana omaly nanoloana ny naoty navoakan’ny minisiteran’ny fahasalamana mahakasika izay resaka fitsaboana nentim-paharazana izay, Jean Nirina Rafanomezantsoa. Tsy voatery hiasa ao amin’ny orinasa izy ireny, hoy izy. Nandritr’izay 3 taona mahery izay dia nahatratra 3600 isa ny dosie fangatahana asa sy fizaran’asa tato. Betsaka ny manana marim-pahaizana bakalorea. Ilaina noho izany ny manome fiofanana azy ireo mba hanana asa. Nanapa-kevitra izahay hanome fiofanana ara-kasa tanora miisa 200. Tsy nanavahana tanora, tsy misy vola aloha na ariary aza. Nampianarina ireo tanora ireo hamorona asa, fahaiza-miaina, fanajana raiamandreny, tolotra sy tinady, harena voajanahary, fitiavan-tanindrazana, fifandraisana, fitantanana, tontolo iainana sy ny maro hafa. Tompon’andraikitra sy manana traikefa maro no manome fiofanana. 3 volana tsy an-kiato ny fiofanana omena ety amin’ny foibe 67ha. Malalaka ny safidiny avy eo na hamorona asa ho azy na hiasa amina toeran-kafa na hiasa ato amin’ny FITRAMA ihany. Raha ity farany moa no safidiny dia tsy maintsy manohy fiofanana hatramin’ny 2 taona izy mba hahazoany ny fanamarinana klinika na “observation clinique”, hoy hatrany ny tenany. Nilaza moa ny tenany manoloana ny fampahatsiahivan’ny minisitera fa hifantoka amin’ny fifindra-monina any ambanivohitra na “exode urbain” sy ny politika amin’izay manomboka eto fa tsy hiditra amin’ity resaka fitsaboana nentim-paharazana intsony taorian’iny naoty iny. Ny tantara no hitsara, hoy hatrany ny tenany, ka mankahery ny ekipa rehetra.
J. Mirija
 

Dans la même rubrique

23-mai-2024

Niteraka olana sy resabe tao Mahajanga ny hetsika fampilalaovana alika « Mahajanga Dog Event »

Card image cap