tia tanindrazana

Parution du Vendredi, 27 Janvier 2023

airtel

kolontsaina

Tafiditry ny zarazarao hanjakana Vaky ny adin’ny samy artista Malagasy

Vaky tanteraka ny ady eo amin’ny samy mpanakanto noho nyy raharaha OMDA (Ofisim-pirenena momba ny zon’ny mpamorona).

24-janv-2023

Sample post image

Lasa mifampiampanga ny samy artista, ary mifanao teny mahery mihitsy aza. Andaniny tarihin-dry Rossy sy ireo mpikamban’ny filankevi-pitantanana tahaka an-dry Samoela manakiana mafy ny Minisitry ny serasera sy kolontsaina Lalatiana Rakotondrazafy sy ny ekipany ho fositra nanakorontana ny OMDA, ary mitaky ny handoavana ny zon’ny mpamorona izay tao anatin’ny herintaona eo tsy nositrahana. Manohitra ihany koa ny fivoriambe sy fifidianana Filohan’ny filankevi-pitantanana kasain’ny artista sasany hatao etsy amin’ny Lapan’ny fanatanjahantena Mahamasina anio 24 janoary 2023, ary misy mihitsy ny resaka nandeha omaly fa ho avy masiaka ao an-toerana izy ireo. An-kilany, nisy ihany koa ny fanambarana nataon’ireo mpanakanto sy mpamorona sasany notarihin-dry Tonton Pa, Meizah, Malm Martiora, milaza fa tapitra tamin'ny volana novambra ny fe-potoana fiasan'ny filankevi-pitantanana (CA OMDA). Tsy misy rijan-teny milaza ny fotoana hanatanterahana ny fifidianana ka nilazan’I Tonton Pa fa tsy sanatria filam-baniny na ady fa tsy maintsy entina ny fanazavana sy ny hevitra. 500 taona ny “Empire Romanina” fa rava ihany, hoy izy. “…Tokony samy misitraka tombontsoa ny rehetra fa tsy ny hafa ihany. Tsy karama isam-bolana no raisina ao amin'ny OMDA fa ny fitakiana ny fitovian'ny zon'ny mpikambana rehetra no antony hidiranay anatin'ny rafitra vaovao”, hoy kosa I Meizah. Nilaza kosa I Martial izay ao anatin’ny filalaovana sarimihetsika fa, misy ireo mpanankanto mitsivalam- pandry na misakana ny filoha tsy hanendry ny filohan'ny OMDA, izay nilaza fa aoka izay ny tombontsoan'olom- bitsy fa aleo mba tombontsoan'ny rehetra no jerena. Hiainga amin’ny fivoriambe anio no hoe: hanolorana olona hotendren’ny Filoham-pirenena. Tsara ihany koa anefa ny mampatsiahy, fa ny volana desambra teo dia efa nilaza ny mpanakanto Rossy ny 14 desambra 2022 taorian’ny fandanian’ny depiote ny tolo-dalàna momba ny OMDA natolony hoe: Nitondra hafatra ho an’ny Filoham-pirenena ihany koa hoe: “Herintaona izahay tsy nandray zon’ny mpamorona, mba tendreo ny Talenay, raha misy olona mampitahotra anao tsy hanao izany dia teneno anay hanaovanay azy”. Nisy ihany koa moa omaly ny fampahafantarana laharana 050/2023/MSK/SJ/OMDA nataon’ny Ny Tale mpisolo toerana Randrianirina Rogesselin nilaza fa taorian’ny nanesoran'ny filankevitry ny minisitra ny tale teo aloha ny 02 Febroary 2022 dia nisedra olana teo amin'ny famoaham-bola noho ny olana teo amin’ny rijan-teny. Tondroina ho mitarika fihantsiana sy vitsy an’isa ireo mpanakanto hafa izay ambara fa efa nitantana nandritra ny 20 taona aza kanefa tsy nahatsapana fanavaozana ho an'ny tombontsoan'ny mpanakanto akory.
Toky R
 

Dans la même rubrique

Card image cap
Kanto mahakasika fiarahamonina Notolorana marim-pankasitrahana ireo mendrika
27-janv-2023

Taorian’ny andiany voalohany ny taona 2020 dia notolorana ny mari-pankasitrahana noho ny kanto nasehon’izy ireo

Voir plus