FAKAN-KEVITRA

mba hirosoana amin’ny fifidianana
Antoko politika miisa 2 hatreto no fantatra fa nangataka ny mba hirosoana amin’ny fifidianana hisorohana ny teteza-mihitatra hatramin’ny nisian’ny fakan-kevitra nokarakarain’ny fitondrana fanavaozana teny amin’ny lapam-panjakana Iavoloha nanomboka ny Alarobia 02 Septambra lasa teo. Anisan’izany ny antoko FA.FI.FI.VO na ny Fampivondronambe, Firaisankinambe, Fioarovana Voka-bita tarihin’ny filoha nasionaliny Marc Tatandraza. Nambaran’ity farany nandritra ny tatitra nataony fa antony nangatahany ny tokony hanaovana ny fifidianana ny hialan’ny vahoaka anaty fahasahiranana lalina izay lasa hararaotin’ny sasany mihitsy ankehitriny. Vonona amin’ny fiatrehana izany izahay hoy Marc Tatandraza raha toa ka sitraky ny Fitondrana Fanavaozana, tarihin’ny kolonely Randrianirina Michael ary efa manana olona hatolotra. Notsiahiviny hatrany moa fa izy no filohan’ny fikambanana bandeau rouge sady filoha nasionalin’ny FAFIFIVO izay efa miparitaka manerana ny Nosy.
Pati
Legende : Anisan’ny nangataka ny hanaovana izany antoko FAFIFIVO tarihin’i Marc Tatandraza !