Pr Ralison Roger

teo aloha na ACS, Pr Ralison Roger. Mba manao antsoavo ihany, hoy izy, ny tenako. Andao hivondrona isika! Ianareo namana mpiara-mitolona, ianareo ao amin’ny Firaisankina, ianareo ao amin’ny Kolektifa, ianareo izay tsy ao anatin’ireny, ianareo izay mihevitra fa antoko politika ka tia tanindrazana, ianareo fiarahamonim-pirenena, ianareo olon-tsotra mahatsapa ny fahapotehan’ny firenena, ianareo raiamandreny tsotra dia ataonay fa tonga ny fotoana tsy maintsy hitambarantsika. Tsy misy hoe fanilikilihana io fa amin’izay fotoana izay ny hevitra iaraha-manapaka dia iarahan’ny be sy ny maro manapaka. Tsy hisy olona hisongadina manokana fa hitovy daholo rehefa tonga ao. Ho tombontsoan’ny firenena izay ho avoaka. Mba miteny ireo mpitondra sasany mampitahotra lava ireo ihany izahay. Efa ela no nanaovako ity tolona ity. Tsy dia mba matahotra an’izany aho. Ajanony izay fa ny vahoaka tompoko tsy azona ampitahorina. Ny vahoaka no tompon’ny fahefana. Nampindraminy fahefana andriamatoa Andry Rajoelina. Fantany izany. Tokony hanatanteraka ny zavatra tadiavin’ny vahoaka izany andriamatoa Andry Nirina Rajoelina. Ny tafika zana-bahoaka. Tandroka aron’ny vozona. Tokony hiaro ny vahoaka koa izany ka raha ohatra voalaza ao anatin’ny lalàmpanorenana hoe afaka maneho ny heviny ny vahoaka dia haneho ny hevitray izahay rehefa izay no ilaina. Avelao izahay hivory raha misy fotoana tokony ivoriana! Ny anjaran’ny mpitondra fanjakàna sy ny tafika, indrindra, andriamatoa prefe dia hoe ahoana no hiarovana ireo olona maneho hevitra ireo? Ampy izay fampitahorana lava izay. Misy fetrany ny zava-drehetra. Efa tena zara raha miaina ilay vahoaka. Any avarabaratra any ny nosintsika efa misy lafo. Misy toerana any Nosy be efa tsy azo aleha sy voafefy satria efa misy tompony. Ireny ny volamena nivoaka sy ny namany. Avoahay ny mangarahara amin’ity firenena ity. Ho an’ny taranaka no hitolomanay fa tsy ho anay intsony. Famonoana firenena io fanaovana vatsy tsinjo sy ny namany io. Mpahaitoekarena ny tena. Mampianatra ny vahoaka ho kamo io. Lasa tsy miasa sy mamokatra intsony fa toloram-potsiny ny olona. Izany rehetra izany tsy maintsy iadiana ka manentana hatrany ny rehetra ho tonga maro eny amin’ny Arupe Faravohitra ny 17 janoary izao manomboka amin’ny 9 ora maraina fa hitady vahaolana isika, hoy hatrany ny tenany.
J. Mirija