ALAKAMISY FENOARIVO

Hotanterahina manomboka rahampitso Alarobia 29 Jolay haharitra 5 andro ilay Foaraben'ny tantsaha karakarain'ny kaominina Alakamisy Fenoarivo, distrikan'Atsimondrano. Nivoatra be izy io tsy tahaka ny isan-taona raha araka ny fanazavan'ny Ben'ny tanana Rasolonirina Mendrika tamin'ny mpanao gazety omaly. Ankoatra ny fampirantiana ireo karazam-bokatra sy biby fiompy mampalaza ny kaominina Alakamisy Fenoarivo mantsy dia hiara-dalana amin'izany ny hetsika ara-pahasalamana toy ny fitiliana maimaim-poana ny aretina diabeta. Arahina fanomezana fanafody izany ho an'ireo mañana io toe-tena io. Toraka izany koa ny Salon de l'étudiant ho an'ireo ankizy sy tanora mpianatra. Marobe amin'ireto farany mantsy no tsy mba mañana fahafahana hijery sekoly hanohizany ny fianarany hany ka voatery mionona amin'izay misy fotsiny fa tsy afaka mivelatra. Vokatry ny ezaky ny kaominina avokoa no hahafahana manatontosa izany. Tsiahivina moa fa ho ravahana hiragasy ny hetsika hahafahana mampiala voly ny mponina. Trano eva an-jatony no hiara-handray anjara amin'izany.
Pati
Légende : Nandritra ny tafa ho an'ny mpanao gazety nokarakarain'ny Ben'ny tanana !