Andro maneran-tany ho an’ny fanadiovana

izay marihina isaky ny datin’ny 16 septambra amin’ny alalan’ny tetikasa ho an’ny tontolo iainana Kopakelatra. Mpiasan’ny orinasa STAR tsy latsaky ny 800 isa no nanamarika izany nanerana ireo toerana misy masoivoho sy ny ozinina STAR rehetra manerana ny Nosy. Samy niandraikitra sy nanadio ny manodidina sy ny lalana ary toerana iraisan’ny daholobe araka izany ny orinasa tsirairay avy. Ankoatra ny fanangonana ireo tavoahangy plastika, izay tanjon’ny tetikasa Kopakelatra dia mikendry ihany koa ny fanentanana ny olona hanana fahazarana amin’ny fihetsika tsotra nefa misy akony manan-danja ho an’ny tontolo iainana sy ny fiaraha-monina, izay mitondra any amin’ny fiovàna maharitra ny hetsika. Ho an’ireo toeram-piasàna teto Antananarivo manokana dia niara-natomboka ny hetsika fanadiovana, nisy ny fiaraha-miasa niaraka tamin’ny fokontany Ankazomanga Avaratra sy Ankorondrano Andrefana niarahan’ny foibe sy ny masoivoho Andranomahery. Ny fokontany Ankaraobato kosa no nifarimbona tamin’ny masoivoho tany Tanjombato. Ho an’ny ozinina Andranovelona dia ny mpiasan’ny ozinina rehetra sy ny mponina no niaraka nanadio ny tanàna manontolo.
Pati
Legende : Nandritra ny asa fanadiovana notanterahin’ireo mpiasan’ny Star tamin’ny Sabotsy teo !