Fanjifàna isan-tokantrano

hoy ny vazivazin’ny renim-pianakaviana iray, 4 taona lasa izay, izany hoe tamin’ireny fotoanan’ny COVID 19 nandalo teto Madagasikara ireny. Raha ny angom-baovao natao tamina fianakaviana vitsivitsy teto Antananarivo kosa dia tsy mahasahana isan’andro intsony ny 20.000 Ariary raha fanjifàna isan-tokantrano ankehitriny no atao. Izahay izao, hoy ny renim-pianakaviana iray, 3 mianaka, manofa trano fa rehefa atao ny kaonty mifarana ny volana dia tena katroka mihitsy ny fandaniana 20.000 Ariary isan’andro raha efa tena mitsitsy be. 4 mianaka izahay, hoy ny fianakaviana iray hafa. Soa ihany, hoy ilay renim-pianakaviana, fa tsy manofa trano fa tena efa hila tsy hahasahana ny lany isan’andro intsony izany 20.000 Ariary izany. Samy miezaka mampidi-bola daholo nefa amin’izany, hoy izy, ny olon-dehibe ato an-trano. Ny vidim-piainana iaraha-mahalala fa saika efa nitombo avo roa heny fara-fahakeliny avokoa ny vidin-javatra eny an-tsena. Tokona tongolo kely tsy misy dikany no vidianao 500 Ariary. Ny vola madinika toy ny 50 Ariary no midina efa tsy miasa intsony, hoy hatrany ny fanazavana.
J. Mirija