ka hatramin’ny 16 taona ireo zaza lasibatra izay saika simba avokoa ny ankamaroany. Ho an’ny teto Antananarivo fotsiny raha araka ny fanazavan’ny Ministry ny Fitsarana Randriamanantenasoa Landy Mbolatiana dia nahatratra 12 isa sahady tamin’ity volana Febroary vao misasaka ity raha tafakatra 133 isa izany nanerana ny Nosy tamin’ny volana Janoary lasa teo. Hohamafisina noho izany ny sazy omena ireo mpanolana raha araka ny fanazavan’ity Ministra ity hatrany no sady hohampiharina ihany koa ireo fepetra efa noraisina toy ny famorana ireo tsy mataho-tody mba ho famaizana azy…. Miantso ny Ray aman-dReny manan-janaka kely mba ho mailo hatrany noho izany ireo tompon’andraikitra ka tsy hahatokitoky na iza na iza hisorohana izay fanolanana mihamahazo vahana izay. Lohalaharana amin’izany ny dadabe, ny dadatoa, ny dadafara, ny dadakely sy ny Ray niteraka, ny mpanampy an-trano lehilahy raha toraka izay ihany ireo mpiara-monina hafahafa fihetsika…
Pati
Nilanja sora-baventy tetsy Anosy omaly ireo mpivarotra manodidina iny radiom-pirenena iny.
Mivaralila tanteraka ny famatsiana herinaratra sy rano ao amin’ny boriboritany fahatelo
Mahazo vahana tanteraka ny fisaraham-panambadiana eto amintsika.