Sosialy

na ny tena isan'izy ireo, fa dia miriaria tsy misy ahiahy na tahotra ry zalahy, feno azy ny elakelan-trano, hoy ny fanamarihana. Miteraka korontana ara-piarahamonina satria betsaka ireo Ray aman-dReny manan-janaka vavy no mitaraina, vokatry ny toetra mamoafady ataon'ireto vahiny ireto, ankoatra ny tsy fandriampahalemana izay iainana isan'andro, manginy fotsiny ny tsy fanajàna ny "code de la route", hoy ny fanamarihana. Raha ny fanadihadihana dia misy olona ambony aty an-toerana, miaro sy mandray " écolage " amin'ireto vahiny ireto, no antony mahatonga azy ireo misetrasetra sy tsy manome hasina ny mpiara-monina, hoy hatrany ny fanamarihana sy fampitam-baovao iray. Antony mampirongatra ireo Sri-Lankais ny fisian’ny resaka karierana vatosoa vaky indray any amin’ny Faritr’alan’i Didy. Raha ny loharanom-baovao azo antoka, any amin’ilay kariera efa namoaka vatosoa tany amin’ny taona 2012 io malaza fa vaky io. Manomboka maro ny olona mirohotra any an-toerana amin’izao na ny eo an-tanàna na ireo avy amin’ny faritra ivelan’Ambatondrazaka, ary efa misy amin’ireo Sri-Lankais ihany koa no voalaza fa efa tonga any Didy. Tsy mbola misy akony betsaka kosa hatreto hoe: tena mbola mamoaka vato ve ilay kariera sa tsia, saingy efa manomboka miely ny fahavakisany indray.
TSY TENA MISY TAMBERINY HO AN’NY KAOMININA
Misy ny tombony ateraky ny fisian’ny kariera fitrandrahana vatosoa satria mampidi-bola ho an’ny mponina, mitobaka ny vola rehefa tena misy ny vato mivoaka, saingy mitombo ihany koa ny tsy fandriampahelemana amin’ny endriny maro. Tsy tena hita ihany koa etsy andaniny ny tamberiny hoentiny ho an’ny kaominina sy ny tanàna, tsy arakaraka ny harena mivoaka sy ny fahapotehan’ny tontolo iainana noho ny fitrandrahana ny fandrosoana satria raha ny làlana makany Didy izany izao, dia tany amin’ny taona 2004 no no nisy tena fanamboarana lehibe farany, hany ka potika tanteraka. Misy tetezana miisa roa dia ao amin’ny tanàna antsoina hoe: Amboarabe sy Antsevabe simba sy nihotsaka efa taona maromaro noho ny rivodoza kanefa tsy misy fanamboarana hatramin’izao. 30000Ar hatramin’ny 80000Ar ny saran-dàlan’ny taxi-moto amin’ny làlana 42km monja,...
Toky R