Lemak'i Betsimitatatra

Nanomboka omaly ny fanondrahana ny tanimbary ao amin'ny Lemak'i Betsimitatatra sy ireo faritra manodidina. Ny Lakandrano GR, izay misintona rano avy amin'ny reniranon'Ikopa amin'ny alalan'ny tohodrano eo Tanjombato, no miantoka ny famatsiana rano ilaina amin'izao fanombohan'ny taom-pambolena izao. Nisy talohan'izao ny asa fanadiovana sy fikojakojana ny Lakandrano GR, notanterahin'ny APIPA mba hahafahan'ny rano mikoriana tsara sy tonga any amin'ireo tanimbary rehetra misitraka izany. Tafiditra ao anatin'ny ezaka ataon'ny APIPA amin'ny fitantanana ny rano, fanohanana ny famokaram-bary ary fanatsarana ny fiainan'ireo tantsaha ao amin'ny Lemak'Antananarivo ireo asa ireo.
Jean D.
Fanokafana hidin-drano amin'ny barazy teny Tanjombato