airtel

Sosialy

17-janv-2023

Sosialy

Minisitry ny fambolena sy ny PAM Nidinika fampiroboroboana fihariana apemba

Sample post image

Nihaona tamin’ny minisitry ny fambolena sy fiompiana, Ramilison Harifidy, sy ireo tomponandraikitry ny MINAE tao Anosy ny delegasiona avy amin’ny PAM,

17-janv-2023

izay notarihin’ireo tomponandraikitra mpanatanteraka na “Deputy Executive Director », Manoj Junera sy ny “Regional Director”, Menghestab Haile, omaly 16 janoary 2023, hoy ny fampitam-baovao voaray. Nifampizarana nandritry ny fihaonana ny tetikasa Rapid Rural Transformation na RRT, tetikasa izay entin’ny PAM hamahana ireo olana mianjady amin’ireo mponina any atsimo toy ny tsy fahampian’ny sakafo sy ny tsy fanjarian-tsakafo. Fomba fiasa entina manatanteraka ny asa ny « approche NEXUS » izay mijery manokana sy mampifandray ny sehatry ny rano, ny angovo ary ny sakafo. Ny tetikasa RRT dia hametraka « kits solaires » hahafahana mamokatra herinaratra mahatratra 25kw ary hahafahana indrindra manodina ny paompy “hydraulique” hanondrahana ny voly. Tanjona lehibe amin’izany ny hanampiana ireo mpisitraka ny tetikasa hampiroborobo ny famokarany, hiatrika ny tsy fanjarian-tsakafo ary hanatsarana ny fari-piainan’izy ireo. Nandritry ny fihaonana dia nanamafy ny fanohanana ny fitondram-panjakana malagasy ny PAM amin’ny ady amin’ny tsy fanjarian-tsakafo sy ny tsy fahampiana ara-tsakafo any atsimo. Nambaran’ny “Deputy Executive Director” fa tsy fanohanana ara-tsakafo amin’ny fotoanan’ny hamehana ihany no imasoan’ny PAM fa hametraka fiaraha-miasa maharitra amin’ny fitondram-panjakana hahafahany miatrika sy miomana amin’ireo loza voajanahary isan-karazany. Ny minisitry ny fambolena sy ny fiompiana kosa dia nidera sy nandrisika hatrany ny fiaraha-miasa amin’ny PAM indrindra amin’ny fametrahana ireo tetikasa laharam-pahamehana iantohana ny tsy fanjarian-tsakafo any atsimo, anisan’izany ny fampiroboroboana ny seha-pihariana apemba, mangahazo ary ny fametrahana bankin-tsakafo ho fitehirizana ny vokatra ary ho fanamafisana ny fahafaha-miatrik’ireo mponina, hoy hatrany ny fampitam-baovao.
J. Mirija
 

Dans la même rubrique

17-juin-2024

Potika ny an-tsasamanilan’ny fambolen’ireo mponina any amin’ny distrikan’i Morombe.

Card image cap
14-juin-2024

Tia zaza loatra i Neny Rija Ethel, delegen’ny Boriborintany fahatelo teo aloha.

Card image cap